ఆర్టికల్ 370 రద్దు అనంతరం జమ్ముకశ్మీర్లో అలజడులు సృష్టించేందుకు ఉగ్రవాదులు తమ ప్రయత్నాలు కొనసాగిస్తూనే ఉన్నారు. రాజధాని శ్రీనగర్ సహా, అనంత్నాగ్ జిల్లాలోని వఘూరా ప్రాంతంలో దాడులకు తెగబడ్డారు. ఈ ఘటనల్లో ఇద్దరు సాధారణ పౌరులు మృతి చెందగా, ఏడుగురికి గాయాలయ్యాయి.
అనంత్నాగ్ జిల్లా వఘూరా ప్రాంతంలో సామాన్యులు లక్ష్యంగా ముష్కరులు గ్రెనేడ్ దాడి చేశారు. ఈ ఘటనలో ఇద్దరు మృతిచెందారు. నలుగురికి గాయాలయ్యాయి. శ్రీనగర్లోని కశ్మీర్ విశ్వవిద్యాలయం సర్ సయ్యద్ గేట్ సమీపంలో ఐఈడీ బాంబు పేల్చారు ఉగ్రవాదులు. ఈ దాడిలో ముగ్గురు గాయపడ్డారు.
ఉగ్రవాదుల కోసం భద్రతా బలగాలు గాలింపు చర్యలను ముమ్మరం చేశారు.
ఇదీ చూడండి: విమానాశ్రయంలో తిరిగేందుకు త్వరలో 'ఎయిర్ట్రైన్'
