పాక్​ సరిహద్దుల్లో ఇద్దరు చొరబాటుదారులు హతం

రాజస్థాన్​లో సరిహద్దులు దాటి దేశంలోకి అక్రమంగా చొరబడేందుకు ప్రయత్నించిన ఇద్దరు పాక్​ పౌరులను హతమార్చాయి భారత భద్రతా బలగాలు.

రాజస్థాన్​ శ్రీగంగానగర్​ జిల్లాలో గజ్​సింహపుర్​ సెక్టార్​ వద్ద దేశంలోకి అక్రమంగా ప్రవేశించేందుకు యత్నించిన పాక్​కు చెందిన ఇద్దరు వ్యక్తులను మట్టుబెట్టాయి భద్రత దళాలు. వారి నుంచి ఓ తుపాకీ, హెరాయిన్ స్వాధీనం చేసుకున్నట్లు అధికారులు తెలిపారు.

అంతర్జాతీయ సరిహద్దుల్లో సైన్యం కళ్లు కప్పి దేశంలోకి చొరబడేందుకు ప్రయత్నించగా వారిపై కాల్పులు జరిపినట్లు అధికారులు వెల్లడించారు. బుధవారం తెల్లవారుజామున ఈ ఘటన జరిగినట్లు తెలిపారు.

ఇదీ చూడండి: ఆటో డ్రైవర్​గా మారిన డాక్టర్​.. కారణమిదే...