పార్లమెంట్లో ఎలాంటి 'పరిశీలన' చేపట్టకుండానే 'హడావుడి'గా బిల్లులు ఆమోదిస్తుండడంపై నిరసన వ్యక్తం చేస్తూ 17 విపక్ష పార్టీలు రాజ్యసభ ఛైర్మన్ వెంకయ్యనాయుడుకి లేఖ రాశాయి. ఈ విషయంలో జోక్యం చేసుకోవాలని ఆయనను కోరాయి.
"పార్లమెంటరీ స్థాయీ సంఘం లేదా ఎంపిక కమిటీల పరిశీలన లేకుండానే కేంద్రప్రభుత్వం హడావుడిగా పార్లమెంటులో బిల్లులను ఆమోదింపజేసుకోవడానికి ప్రయత్నిస్తోంది. దీనిపై మేము ఎంతో ఆవేదన, ఆందోళన చెందుతున్నాము. ఇలా చేయడం సంప్రదాయం నుంచి పక్కకు తప్పుకోవడమే అవుతుంది"
- విపక్ష పార్టీల లేఖ'హడావుడి' చట్టాలపై వెంకయ్యకు విపక్షాల లేఖ
'పరిశీలన' లేకుండానే...
14వ లోక్సభలో 60 శాతం, 15వ లోక్సభలో 71 శాతం, 16వ లోక్సభలో 26 శాతం బిల్లులు పార్లమెంటరీ కమిటీల పరిశీలనకు వెళ్లాయని విపక్షాలు గుర్తుచేశాయి. కానీ 17వ లోక్సభ కాలంలో మాత్రం ఇప్పటి వరకు 14 బిల్లులు పార్లమెంటరీ కమిటీల పరిశీలన లేకుండానే ఆమోదించారని ఆవేదన వ్యక్తంచేశాయి.
"ప్రజా సంప్రదింపులు చాలాకాలంగా వస్తున్న సంప్రదాయం. పార్లమెంటరీ కమిటీలు బిల్లులను పరిశీలించి, అందులోని లోపాలను సవరించి, నాణ్యతను మెరుగుపరచడానికి కృషి చేస్తాయి."
-విపక్ష పార్టీల లేఖ
రాజ్యసభ ఛైర్మన్కు లేఖ రాసిన పార్టీల్లో.... కాంగ్రెస్, సమాజ్వాది పార్టీ, తృణమూల్ కాంగ్రెస్, బహుజన్ సమాజ్ పార్టీ, రాష్ట్రీయ జనతాదళ్, తెలుగుదేశం, సీపీఐ, సీపీఎం ఉన్నాయి.
ఇదీ చూడండి: పులిని కర్రలతో కొట్టి చంపిన గ్రామస్థులు..!
