ఉత్తరప్రదేశ్లో ఘోర రోడ్డు ప్రమాదం జరిగింది. షాజహాన్పూర్లోని జమ్కా ప్రాంతం వద్ద ఓ ట్రక్కు మరో రెండు వాహనాలను( వ్యాన్, టెంపో) ఢీకొట్టింది. అనంతరం ఆ ట్రక్కు తిరగబడింది. ఈ ఘటనలో 16 మంది ఘటనాస్థలంలోనే దర్మరణం చెందారు. వీరిలో ముగ్గురు మహిళలు, ముగ్గురు చిన్నారులు ఉన్నారు. మరో ఐదుగురు తీవ్రంగా గాయపడ్డారు. క్షతగాత్రులను ఆసుపత్రికి తరలించారు.
ట్రక్కు వచ్చి వేగంగా ఢీకొనడం వల్ల వ్యాను పక్కనే ఉన్న గుంతలో పడింది. ఈ ప్రమాదంలో వ్యానులో ఉన్న వారంతా మరణించారు.
ఉత్తరప్రదేశ్ ముఖ్యమంత్రి యోగీ ఆదిత్యానాథ్ ఘటనపై దిగ్భ్రాంతి వ్యక్తం చేశారు. సహాయక చర్యలు ముమ్మరం చేసి... క్షతగాత్రులకు మెరుగైన చికిత్స అందివ్వాలని అధికారులను ఆదేశించారు.
