'బాబా కా దాబా'కి చేరిన విరాళాల సొమ్ము

'బాబా కా దాబా' యజమాని కాంతా ప్రసాద్​కు యూట్యూబర్​ గౌరవ్​ వాసన్​ వసూలు చేసిన మొత్తం చెల్లించారు. ఈ విషయాన్ని ప్రసాద్​నే స్వయంగా వెల్లడించారు. అయితే వసూలు చేసిన విరాళాల మొత్తం ఎంత అనే విషయంపై తనకు పూర్తి అవగాహన లేదన్నారు.

'బాబా కా దాబా'కు సంబంధించి నెటిజన్లు అందించిన విరాళాల్లో రూ. 3.78 లక్షలు యూట్యూబర్​ గౌరవ్​ వాసన్​ తమకు చెల్లించారని దాబా యజమాని కాంతా ప్రసాద్​ తెలిపారు. వసూలు చేసిన మొత్తం ఎంత అనేది వాసన్​కు తప్ప తనకు తెలియదన్నారు. దీనిపై ఇప్పటికే ఆక్రమ వసూళ్లకు వాసన్​ తెర లేపాడని ప్రసాద్​ పోలీసులకు ఫిర్యాదు చేశారు.

వృద్ధుడు ప్రసాద్​ ఆరోపణలను గౌరవ్​ వాసన్​ ఖండించారు. నిజంగా నేను 25లక్షల వరకు వసూలు చేసి ఉంటే అవి నా బ్యాంక్​ ఖాతాలో కనిపించాలి కదా అని అన్నారు.

లాక్​డౌన్​లో వైరలైన వీడియోల్లో 'బాబా కా దాబా' ఒకటి. దిల్లీలోని వృద్ధదంపతులు కరోనా ఆంక్షలతో ఏవిధంగా నష్టపోయారు అని తెలుపుతూ.. ​వాసన్​ అనే వ్యక్తి ఈ వీడియోను రూపొందిచారు. ఇది సామాజిక మాధ్యమాల్లో విరివిగా ప్రాచూర్యం పొందింది.