నేటి నుంచి అసోంలో కాంగ్రెస్ ప్రచారం మొదలుపెట్టనుంది. రానున్న అసెంబ్లీ ఎన్నికల్లో గెలుపే లక్ష్యంగా కాంగ్రెస్ పావులు కదుపుతోంది. ఇందుకోసం పార్టీ ప్రధాన కార్యదర్శి ప్రియాంక గాంధీ వాద్రాను రంగంలోకి దింపింది. మార్చి 1 నుంచి రెండు రోజుల పాటు ఆమె రాష్ట్రంలో ప్రచారం నిర్వహించనున్నారు.
వీలైనంత ఎక్కువగా ప్రియాంకతో ప్రచారం చేయించాలని పార్టీ నిర్ణయించింది. నేడు ఆమె పలు కార్యక్రమాల్లో పాల్గొంటారు. మార్చి 2న తేజ్పుర్లో ఓ బహిరంగ సభలో ప్రసంగించనున్నారు.
అసోంతో పాటు అసెంబ్లీ ఎన్నికలు జరగనున్న ఇతర రాష్ట్రాల్లోనూ ఆమె ప్రచారం నిర్వహించనున్నారు. ఇప్పటికే కేరళలో ప్రియాంక ప్రచారానికి సంబంధించిన తేదీలను పార్టీ రాష్ట్ర బాధ్యులకు అందించారు.
ఇటీవల కాంగ్రెస్ అగ్రనేత రాహుల్ గాంధీ అసోంలో పర్యటించారు. ఏది ఏమైనా పౌరసత్వ సవరణ చట్టం (సీఏఏ)ను మాత్రం రాష్ట్రంలో అమలు కానివ్వబోమని ప్రకటించారు.
అసోం
- స్థానాలు:- 126
- పోలింగ్ తేదీలు:- మార్చి 27, ఏప్రిల్ 2, ఏప్రిల్ 6(మొత్తం 3 దశలు)
- ఫలితాలు:- మే 2
ఇదీ చూడండి: 'వారికి ప్రజా సంక్షేమం కంటే.. వారసత్వమే ముఖ్యం'
