పంజాబ్లో భాజపాకి చెందిన అబోహర్ నియోజకవర్గ ఎమ్మెల్యే అరుణ్ నారాంగ్పై రైతులు శనివారం దాడి చేశారు. ఎమ్మెల్యే శ్రీ ముక్త్సర్ సాహిబ్ జిల్లాలోని మాలౌట్ నియోజకవర్గానికి చేరుకోగా రైతులు ఆ వాహనాన్ని అడ్దగించారు. వాహనాన్ని ముందుకు కదలనివ్వకుండా చేసి.. వాహనంపైన, వారిపైనా సిరా చల్లారు. అనంతరం ఎమ్మెల్యేను ఓ షట్టర్లోకి ఈడ్చుకెళ్లారు.
రైతుల దాడి నుంచి ఎమ్మెల్యేను కాపాడేందుకు పోలీసులు తీవ్రంగా శ్రమించారు. చివరకు ఆయనను సురక్షిత ప్రాంతానికి తరలించారు. ఈ ఘటన ఉద్దేశపూర్వకంగానే జరిగిందని పోలీసులు ఆరోపించారు. మాలౌట్లో ఓ మీడియా సమావేశానికి హాజరయ్యేందుకు వెళ్తున్న క్రమంలో రైతులు ఈ దాడి జరిపినట్లు సమాచారం. ఈ ఘటనపై పార్టీతో చర్చించి ఫిర్యాదు చేసే విషయంపై నిర్ణయం తీసుకుంటానని అరుణ్ నారాంగ్ వెల్లడించారు.
ఈ ఘటనను రైతు సంఘాలు, ప్రతిపక్షాలు సహా అధికార కాంగ్రెస్ ఖండించాయి.
కిసాన్ మోర్చా స్పందన
రైతుల దాడిని సంయుక్త కిసాన్ మోర్చా ఖండించింది. ఈ ఘటనకు భాజపా, ఆ పార్టీ మిత్ర పక్షాలే కారణమని ఆరోపించింది. కేంద్రం రైతుల సమస్యలు తీర్చకుండా ఎన్నికల ప్రచారంలో లీనమైపోయిందని.. ఈ వైఖరి వల్ల స్థానిక నేతలకు చేదు అనుభవాలు ఎదురవుతున్నాయని తెలిపింది.
ఈ ఘటనను ముఖ్యమంత్రి అమరీందర్ సింగ్ ఖండించారు. ఘటనకు కారణమైన వారిపై కఠిన చర్యలు చేపడతామని స్పష్టం చేశారు.
ప్రభుత్వమే కారణం..
ఎమ్మెల్యేపై దాడికి కారణం రాష్ట్ర ప్రభుత్వమే అని ఆరోపించింది భాజపా. అమరీందర్ సింగ్ ప్రభుత్వం దీనికి బాధ్యత వహిస్తుందని పేర్కొంది.
ఖండించిన కిసాన్ మోర్చా..
రైతుల దాడిని సంయుక్త కిసాన్ మోర్చా ఖండించింది. ఈ ఘటనకు భాజపా, ఆ పార్టీ మిత్ర పక్షాలే కారణమని ఆరోపించింది. రైతుల పట్ల కేంద్రం చూపించే నిర్లక్ష్యం వల్ల స్థానిక నేతలకు చేదు అనుభవాలు ఎదురవుతున్నాయని తెలిపింది.
ఇదీ చదవండి : 'సిద్ధాంతాలపై ఆ పార్టీల్లో గందరగోళం'
