Army jawan rape: యువతిని హోటల్కు తీసుకెళ్లి గడిపిన వీడియోను ఆమె తండ్రికి పంపి బ్లాక్మెయిల్ చేస్తున్న ఆర్మీ జవాన్పై మధ్యప్రదేశ్ పోలీసులు కేసు నమోదు చేశారు. బాధితురాలు ఫిర్యాదు మేరకు అతడ్ని అరెస్టు చేసేందుకు సిద్ధమయ్యారు. ఇద్దరూ ఫేస్బుక్లో ఫ్రెండ్స్ అని, ఇండోర్లోని మండలేశ్వర్కు చెందినవారని తెలిపారు.
ఏం జరిగిందంటే?
పోలీసులు చెప్పిన వివరాల ప్రకారం.. 2015లో ఈ యువతి 12వ తరగతి చదివే సమయంలో కిపల్ పాటీదార్ను తొలిసారి కలిసింది. ఆ తర్వాత ఫేస్బుక్లో ఫ్రెండ్స్ అయ్యారు. తరచూ చాట్ చేసి మరింత దగ్గరయ్యారు. అది కాస్త ప్రేమగా మారింది. ఆ తర్వాత 2017 నవంబర్ 26న ఇద్దరూ ఓ ఫ్రెండ్ బర్త్డే పార్టీలో కలిశారు. అప్పుడే తను ఆర్మీలో శిక్షణ కోసం వెళ్తున్నట్లు యువతికి కిపల్ చెప్పాడు. ట్రైనింగ్ కోసం వెళ్లాక కూడా తరచూ.. యువతికి ఫోన్ చేసి మాట్లాడేవాడు. ఈ విషయం ఆమె ఇంట్లో తెలిసింది. అతనికి దూరంగా ఉండాలని కుటుంబసభ్యులు యువతికి చెప్పారు. దీంతో కిపల్ ఫోన్ నంబర్ను ఆమె బ్లాక్ చేసింది. పైచదువుల కోసం ఇండోర్ వెళ్లింది.
2018లో ఆర్మీ శిక్షణ పూర్తి చేసుకున్న అనంతరం కిపల్ తిరిగివచ్చాడు. యువతి ఎక్కడ చదువుతుందో తెలుసుకున్నాడు. ఆమెను కలిసేందుకు ఇండోర్ వెళ్లాడు. వేరే నంబర్ నుంచి ఫోన్ చేసి మళ్లీ ఆమెతో మాట్లాడటం మొదలుపెట్టాడు. ఓ రోజు యువతికి కాల్ చేసి తన స్నేహితుడు రవి ఇంటికి రావాలని ఆమెను కోరాడు. ఆమె అక్కడకు వెళ్లింది. ఆ తర్వాత తనను కపిల్ బలవంతంగా హోటల్కు తీసుకెళ్లి అత్యాచారం చేశాడని బాధితురాలు ఆరోపిస్తోంది. అంతేగాక హోటల్లో ఇద్దరూ కలిసినప్పుడు ఫొటోలు, వీడియోలు తీశాడని.. పెళ్లి చేసుకుందామని ఒత్తిడి చేశాడని పేర్కొంది. అయితే కపిల్తో వివాహానికి యువతి కుటుంబం ఒప్పుకోలేదు. దీంతో ఇద్దరూ హోటల్లో గడిపిన అశ్లీల చిత్రాలు, వీడియోలను బాధితురాలి తండ్రి ఫోన్కు పంపాడు కిపల్. అవి చూసి కుటుంబసభ్యలు షాక్ అయ్యారు. పరిస్థితి చూసి యువతి ఆత్మహత్యకు ప్రయత్నించింది. తల్లిదండ్రులే ఆమెను కాపాడారు. అనంతరం ఆమె పోలీస్ స్టేషన్కు వెళ్లి కిపల్పై ఫిర్యాదు చేసింది. తనపై అతడు అత్యాచారం చేశాడని ఆరోపించింది.
కేసు నమోదు చేసుకున్న పోలీసులు కిపల్ను అరెస్టు చేసేందుకు సిద్ధమయ్యారు. ప్రస్తుతం అతను లద్దాక్లో పోస్టింగ్లో ఉన్నాడని చెప్పారు. ఓ బృందం అక్కడకు వెళ్లి కిపల్ను అరెస్టు చేసి ఇండోర్కు తీసుకువస్తుందని పేర్కొన్నారు.
ఇదీ చదవండి: ప్రేమించట్లేదని యువతిని సుత్తితో కొట్టి హత్య.. ఆపై గొంతు కోసుకొని..!
