Amravati waterman: అడవి మార్గంలో వెళ్లే వారి దాహాన్ని తీర్చుతున్నాడు అతడు. మూగ జీవాల కోసం ప్రత్యేకంగా నీటి తొట్టెలు ఏర్పాటు చేసి మంచి మనసును చాటుకుంటున్నాడు. గత 26 ఏళ్లుగా ఈ సేవలను కొనసాగిస్తున్నాడు మహారాష్ట్ర అమరావతికి చెందిన వివేక్ చర్జన్. అందుకే అతడ్ని ఆ ప్రాంతవాసులంతా 'వాటర్మ్యాన్' అని పిలుచుకుంటారు.
అమరావతి-చండూర్ రహదారి.. పోహ్రా, చిరోడి అడవుల గుండా సుమారు 15-20 కిలోమీటర్లు ఉంటుంది. పాల వ్యాపారులు, చిరు వ్యాపారులు ఈ దారిలో ఎక్కువగా ప్రయాణిస్తారు. వీరిలో చాలా మంది ప్రయాణానికి సైకిల్, మోటర్ బైక్ వాడతారు. వేసవి కాలంలో వీరి దాహం తీర్చేందుకు తనవంతు ప్రయత్నిస్తున్నాడు వివేక్. ఉదయం 10 గంటల నుంచి ఆ మార్గంలో వెళ్లేవారికి చల్లటి నీరు అందిస్తున్నాడు.
అసలే ప్రస్తుతం ఉష్ణోగ్రతలు 42-43 డిగ్రీలు నమోదవుతున్నాయని అంటున్నాడు వివేక్. దీని వల్ల ప్రయాణికులు వడదెబ్బకు గురయ్యే ప్రమాదం ఉన్నందున చల్లని మంచి నీటిని అందిస్తున్నానని చెబుతున్నాడు. ఏటా మార్చి, ఏప్రిల్, మే నెలలు సహా జూన్లో మొదటి రెండు వారాలు ఇలా తాగునీటిని ప్రయాణికులకు అందిస్తానని అంటున్నాడు.
ఇదీ చదవండి: సందడి సందడిగా 'చేపల పండగ'- ఈ ఏడాది జోరుగా వర్షాలు!
