దేశంలోనే తొలిసారిగా గృహ అవసరాల కోసం 'ఎయిర్టెల్ బ్లాక్' పేరిట వివిధ సేవలను ఒకే గొడుగు కింద అందించనున్నట్లు టెలికాం దిగ్గజం భారతీ ఎయిర్టెల్ ప్రకటించింది. ఒకే ప్లాన్లో ఫైబర్, డీటీహెచ్,మొబైల్కు సంబంధించిన సేవలు అందిస్తున్నట్లు ఎయిర్ టెల్ పేర్కొంది. ఈ మేరకు తమ వినియోగదారులు ఒకే బిల్లుతో ఈ మూడింట్లో ఏవైనా రెండు లేదా అంతకంటే ఎక్కువ సేవలను పొందవచ్చని వెల్లడించింది. ఈ సేవలకు జీవితకాల ఉచిత సర్వీస్తో పాటు.. ఇన్స్టాలేషన్ ఛార్జీలు సైతం ఉండవని తెలిపింది. ఒకే బిల్లు సేవల ద్వారా.. నెల తిరిగేసరికి వివిధ చెల్లింపుల ఇబ్బంది తప్పుతుందని ఎయిర్టెల్ అభిప్రాయపడింది.
ప్రత్యేక సేవలు..
'ఎయిర్టెల్ బ్లాక్' యూజర్లకు నిరంతరాయ సేవలందించేందుకు రిలేషన్షిప్ మేనేజర్లను నియమించనుంది సంస్థ. వీరు అంకితభావంతో పనిచేస్తూ.. వినియోగదారులకు తలెత్తే సమస్యలను కస్టమర్లు కాల్ చేసిన 60 సెకన్లలోపే వేగంగా పరిష్కరిస్తారని పేర్కొంది. ఈ సేవలన్నీ ఉచితమేనంది.
'ఎయిర్టెల్ బ్లాక్' ప్లాన్స్ వివరాలు..
| ప్లాన్స్ | సేవలు |
| రూ.998 | 2 మొబైల్ కనెక్షన్లు+1 డీటీహెచ్ |
| రూ.1398 | 3 మొబైల్ కనెక్షన్లు + 1 డీటీహెచ్ |
| రూ.1598 | 2 మొబైల్ కనెక్షన్లు + 1 ఫైబర్ కనెక్షన్ |
| రూ.2099 | 3 మొబైల్ కనెక్షన్లు + 1 డీటీహెచ్ + 1 ఫైబర్ కనెక్షన్ |
అదనపు ప్రయోజనాలు..
- 'ఎయిర్టెల్ బ్లాక్' కస్టమర్లకు ఫైబర్ ప్లాన్స్ రూ.499 నుంచి ప్రారంభమవుతాయి. 1Gbps వేగంతో.. అపరిమిత డేటా ల్యాండ్‌లైన్ కనెక్షన్ సదుపాయం ఉంటుంది.
- రూ.499 నుంచి ప్రారంభమయ్యే మొబైల్ యూజర్ల ప్లాన్స్లో.. అపరిమిత కాల్స్, రోజుకు 100 ఎస్ఎంఎస్లు, 210జీబీ డేటా వంటివి అందిస్తోంది.
- డీటీహెచ్ బేసిక్ ప్లాన్ రూ.153 నుంచి ప్రారంభం. రీఛార్జిపై ఫ్లాట్ రూ.465 తగ్గింపుతో పాటు.. అదనంగా హెచ్‌డీ బాక్స్, ఎక్స్‌స్ట్రీమ్ బాక్స్ ఉచితం.
ఎయిర్టెల్ థాంక్స్ యాప్, ఎయిర్టెల్ స్టోర్, లేదా.. 8826655555 నెంబర్కు మిస్డ్ కాల్ ఇవ్వడం ద్వారా ఎయిర్టెల్ బ్లాక్ సేవలను పొందొచ్చని సంస్థ తెలిపింది.
ఇవీ చదవండి: ఎయిర్టెల్ 5జీ ట్రయల్స్‌ షురూ.!
