తెగుళ్లను తట్టుకునే ఆలూ, అరటి వంగడాలు!

వైరస్​లు, తెగుళ్లను తట్టుకుని నిలబడే కొత్తరకం బంగాళాదుంప, అరటి వంగడాల అభివృద్ధిపై పరిశోధనలు చేస్తున్నారు త్రిపురకు చెందిన వ్యవసాయ శాస్త్రవేత్తలు. ప్రస్తుతం ప్రయోగ దశలో ఉన్నట్టు తెలిపారు. ఈ ప్రాజెక్ట్​ సఫలమైతే రైతులకు మరింత లబ్ధి చేకూరుతుందన్నారు.

ఎలాంటి తెగుళ్లనైనా తట్టుకునేలా కొత్తరకం బంగాళాదుంప, అరటి వంగడాలను అభివృద్ధి చేస్తోంది త్రిపుర వ్యవసాయ పరిశోధన కేంద్రం. వైరస్​లు, చీడపీడలను తట్టుకుని, ఎలాంటి వాతావరణ పరిస్థితుల్లోనైనా పెరగటం వీటి ప్రత్యేకత. సుమారు 22వేల(ఆలు, సబ్రి కలిపి) వంగడాలను అభివృద్ధి చేస్తూ.. ఆ రాష్ట్రంలో వ్యవసాయ భవిష్యత్​ను ఆశాజనకంగా మారుస్తున్నారు.

వ్యవసాయ రంగంలో వచ్చిన సాంకేతిక పరిజ్ఞానంతో వీటిపై మరిన్ని పరిశోధనలు సాగిస్తున్నట్లు తెలిపారు నిపుణులు. ఈ ప్రాజెక్ట్​ పూర్తి చేసే బాధ్యతను వ్యవసాయ అధికారిని ఝర్నా దత్తా చూసుకుంటున్నారు.

"మొదటి ఏడాదిలో విత్తనాలు నాటేందుకు కావాల్సిన సామగ్రిని అభివృద్ధి చేయాలి. మరుసటి సంవత్సరం పంట మల్టిప్లికేషన్ కోసం ఇక్కడకు తీసుకువస్తాం. మూడో సంవత్సరం పంట క్రాసింగ్ చేపడతాం."

- ఝర్నా దత్తా, వ్యవసాయ అధికారిని

స్థానిక మార్కెట్​లో సబ్రికి అధిక డిమాండ్​ ఉన్నందున.. ఈ ప్రాజెక్ట్​పై దృష్టి సారించామన్నారు. ఈ ప్రయోగం విజయవంతమైతే రైతులకు మరింత ప్రయోజనం చేకూరనుందని ఆమె చెప్పారు. ఈ పంటల ద్వారా ఉపాధి కల్పనకూ ఎక్కువ అవకాశాలు ఉండనున్నాయని తెలిపారు.

ఇదీ చదవండి: ఆదర్శ రైతన్న- వర్షపు నీటి కోసం 6కోట్ల లీటర్ల కుంట