జమ్ము కశ్మీర్లో వరుసగా పౌర హత్యలు, ఉగ్రదాడుల నేపథ్యంలో కేంద్రం కీలక నిర్ణయం తీసుకుంది. కశ్మీర్కు అదనంగా 20 కంపెనీల పారామిలటరీ బలగాలను పంపిస్తున్నట్లు సీఆర్పీఎఫ్ ప్రకటించింది. 2000 మందితో కూడిన ఈ బలగాలను పూంచ్, రాజౌరీ జిల్లాలో మోహరించనున్నట్లు పేర్కొంది. 8 సీఆర్పీఎఫ్ కంపెనీలను జమ్ము కశ్మీర్ సమీపంలోని ప్రదేశాల నుంచి తరలించగా.. 10 కంపెనీలను దిల్లీ నుంచి పంపించనున్నట్లు తెలిపింది. జమ్ములో భారీ ఉగ్రదాడి జరగనుందనే నిఘా వర్గాల హెచ్చరికల నేపథ్యంలోనే ఈ నిర్ణయం తీసుకున్నట్లు తెలుస్తోంది.
ఇటీవల జమ్ము కశ్మీర్ రాజౌరీ జిల్లాలో జరిగిన ఉగ్రదాడిలో ఇద్దరు చిన్నారులు సహా ఆరుగురు మరణించారు. మరికొందరు గాయపడ్డారు. మరోవైపు డిసెంబర్ 16న ఆర్మీ క్యాంప్ సమీపంలో నలుగురు పౌరులు మృతిచెందారు. ఈ ఘటన స్థానికంగా సంచలనం సృష్టించింది. నిందితులపై కఠిన చర్యలు తీసుకోవాలంటూ స్థానికులు ఆందోళన చేపట్టారు. మృతుల కుటుంబాలకు రూ.10 లక్షల పరిహారాన్ని ప్రకటించారు లెఫ్టినెంట్ గవర్నర్ మనోజ్ సిన్హా.
ఇవీ చదవండి: 'సమస్యలు కాదు.. లవ్ జిహాద్పై దృష్టి పెట్టండి'.. కార్యకర్తలకు భాజపా ఎంపీ సూచన
ఝార్ఖండ్ ప్రభుత్వ నిర్ణయంపై భగ్గుమన్న జైనులు.. దేశవ్యాప్తంగా భారీగా నిరసనలు
