మిజోరం​లో రూ.5.9 కోట్లు విలువ చేసే డ్రగ్స్​ పట్టివేత

మిజోరంలోని ఛాంపయ్​ జిల్లాలో ఐదు కోట్లపైన విలువ చేసే గంజాయి పట్టుబడింది. 612.8 గ్రాముల హెరాయిన్​, 2.69 లక్షల మెథామ్​ఫెటమిన్​ మాత్రలను స్వాధీనం చేసుకున్నారు అధికారులు.

మిజోరం​లోని ఛాంపయ్​ జిల్లా ట్లాంగ్​సామ్​ ప్రాంతంలో రూ.5.9 కోట్లు విలువ చేసే డగ్స్​ను అధికారులు స్వాధీనం చేసుకున్నారు. గురువారం రాత్రి ట్లాంగ్​సమ్​ ప్రాంతంలో లభించిన ఈ మాదకద్రవ్యాల్లో 612.8 గ్రాముల హెరాయిన్, 2.69 లక్షల మెథామ్​ఫెటమిన్​ ​ మాత్రలు ఉన్నాయి.

పట్టుబడ్డ మాదకద్రవ్యాలు

ఇప్పటివరకు ఈ కేసుకు సంబంధించి ఎవరిని అరెస్టు చేయలేదు. నిందితులు పరారీలో ఉన్నారు. కొంత కాలంగా అసోం రైఫిల్స్, రాష్ట్ర నార్కోటిక్స్ విభాగాలు సంయుక్తంగా డ్రగ్స్​ స్మగ్లింగ్​ను నియంత్రించేందుకు కృషి చేస్తున్నాయి. ​