గుజరాత్ పోరుబందర్ జిల్లాలో గురువారం సాయంత్రం ఘోర ప్రమాదం జరిగింది. సౌరాష్ట్ర సిమెంట్ లిమిటెడ్కు చెందిన రానవావ్లోని సిమెంట్ కర్మగారంలోని చిమ్నీ కూలగా ఏడుగురు కార్మికులు మరణించినట్లు తెలుస్తోంది. మరో 15 మంది కార్మికులు శిథిలాల కింద చిక్కుకుపోయారని సమాచారం.
ఘటనా స్థలిలో సహాయక చర్యలు కొనసాగుతున్నాయి. 'హాథి' బ్రాండు పేరుతో సిమెంట్ను ఉత్పత్తి చేసే.. ఈ కర్మాగారం నటి జుహీ చావ్లా భర్త జై మెహతాకు చెందినదిగా తెలుస్తోంది.
ఈ ప్రమాద ఘటనపై జిల్లా కలెక్టర్తో ముఖ్యమంత్రి విజయ్ రూపానీ మాట్లాడారు. రెండు కంపెనీల ఎన్డీఆర్ఎఫ్ బృందాలను రంగంలోకి దింపాలని ఆయన ఆదేశించినట్లు అధికారులు తెలిపారు.
