తౌక్టే తుపాను కారణంగా ముంబయిలో రెండు నౌకలు కొట్టుకుపోయిన ఘటనలో పీ-305 నౌకలో ఉన్న మొత్తం 273 మందిలో ఇప్పటివరకు 184 మందిని రక్షించినట్లు నౌకాదళ అధికారులు తెలిపారు. పీ- 305 నౌకలో చిక్కుకుని 34 మంది మృతి చెందారని పేర్కొన్నారు. 16 మృతదేహాలు లభ్యమైనట్లు చెప్పారు.
యుద్ధనౌకలు రంగంలోకి..
ఐఎన్ఎస్ కొచ్చి, ఐఎన్ఎస్ కోల్కతా ద్వారా పీ 305 నుంచి 184 మందిని సురక్షితంగా తీసుకొచ్చినట్లు తెలిపారు. ఐఎన్ఎస్ తేజ్, ఐఎన్ఎస్ బెట్వా, ఐఎన్ఎస్ బియాస్ యుద్ధ నౌకలతో పాటు పీ8ఐ యుద్ధవిమానాన్ని రంగంలోకి దింపినట్లు పేర్కొన్నారు.
తౌక్టే తుపాను కారణంగా సముద్రంలో మూడు నౌకలు, ఒక ఆయిల్ రిగ్లో మొత్తం 707 మంది చిక్కుకున్నారని అధికారులు వివరించారు. పీ-305లో 273, కార్గో నౌకలో 137, ఎస్ఎస్-3 నౌకలో 196, సాగర్ భూషన్ ఆయిల్ రిగ్లో 101 మంది ఉన్నట్లు పేర్కొన్నారు.
అయితే వీరిలో ఎస్ఎస్-3నౌకలో ఉన్న 196 మందిని, జీఏఎల్ కన్స్ట్రక్టర్ నౌకలో 137, సాగర్ భూషన్ ఆయిల్ రిగ్లోని 101 మంది మంగళవారం రక్షించినట్లు తెలిపారు.
కన్నీటి పర్యంతం
పీ 305 నౌక నుంచి సురక్షితంగా బయటకు వచ్చిన తర్వాత అందులోని ఓ వ్యక్తి నౌకాదళం సహాయక చర్యలపై మాట్లాడుతూ కన్నీటి పర్యంతం అయ్యారు.
ఇదీ చదవండి : కొవిడ్ మారణహోమం- ఒక్కరోజే 4,529మంది మృతి
