old woman raped: మంచానికే పరిమితమైన 87ఏళ్ల వృద్ధురాలిపై ఓ కామాంధుడు లైంగిక దాడికి పాల్పడ్డాడు. ఇంట్లోకి చొరబడి ఆమెపై దాడి చేసిన దుండగుడు.. ఆమె ఫోన్ను దొంగలించుకొని పారిపోయాడు. దిల్లీలో ఆదివారం రాత్రి ఈ ఘటన జరిగింది.
ఇదీ జరిగింది..
పోలీసుల కథనం ప్రకారం.. ఆదివారం రాత్రి ఓ వ్యక్తి వృద్ధురాలు ఉంటున్న ఇంట్లోకి చొరబడ్డాడు. అతడిని చూసి వృద్ధురాలు ఎవరు? అని ప్రశ్నించింది. గ్యాస్ ఏజెన్సీ నుంచి వచ్చానని, ఇంట్లో రిపేర్ ఉందని పిలిచారని దుండగుడు చెప్పుకొచ్చాడు. అయితే, వృద్ధురాలికి అనుమానం వచ్చింది. ఇది గమనించిన ఆ వ్యక్తి లైంగిక దాడికి పాల్పడి, ఆమె మొబైల్ ఫోన్ను లాగేసుకున్నాడు.
Delhi crime news
ఆ సమయంలో వృద్ధురాలి కుమార్తె(65) ఇంట్లో లేదు. కుమార్తె తిరిగి ఇంటికి వచ్చే సరికి వృద్ధురాలు గాయపడి ఉంది. వెంటనే ఆ మహిళ ఇతర కుటుంబ సభ్యులకు సమాచారం అందించి.. బాధితురాలిని ఆస్పత్రికి తీసుకెళ్లారు. వృద్ధురాలిపై లైంగిక దాడి జరిగిందని కుటుంబ సభ్యులు ఆరోపిస్తున్నారు.
ఈ ఘటనపై ఐపీసీ సహా లైంగిక నేరాలకు సంబంధించిన సెక్షన్ల ప్రకారం కేసు నమోదు చేసుకున్నట్లు అధికారులు తెలిపారు.
పోలీసుల అలసత్వం!
అయితే, ఫిర్యాదు నమోదు చేసుకోవడంలో పోలీసులు జాప్యం చేశారని కుటుంబ సభ్యులు ఆరోపించారు. దిల్లీ పోలీసులు సహకరించడం లేదని, ఎఫ్ఐఆర్ నమోదును వ్యతిరేకించారని కుటుంబ సభ్యులకు చెందిన ఓ సన్నిహితుడు ట్వీట్ చేశారు.
అయితే, ఈ ఆరోపణలను ఖండించిన పోలీసులు.. తిలక్ నగర్ స్టేషన్లో ఆదివారం రాత్రి దొంగతనానికి సంబంధించిన కేసు రిజిస్టర్ చేశామని చెప్పారు. ఫిర్యాదుదారులు తనపై లైంగిక దాడి జరిగిందని సోమవారం చెప్పారని, ఆ తర్వాత సంబంధిత సెక్షన్లను ఎఫ్ఐఆర్కు జోడించినట్లు తెలిపారు. నిందితుడిని పట్టుకునేందుకు బృందాలను ఏర్పాటు చేసినట్లు వెల్లడించారు.
ఇదీ చదవండి: కర్ణాటకలో హిజాబ్ లేని విద్యార్థులకే స్కూల్లోకి ఎంట్రీ
