ఉత్తర్ప్రదేశ్లో విచిత్ర ఘటన జరిగింది. 70 ఏళ్ల మామ 28 సంవత్సరాల కోడలిని పెళ్లి చేసుకున్నాడు. ఇద్దరూ కలిసి స్థానిక ఆలయంలో వివాహం చేసుకున్నారు. ఈ విషయం తెలిసి అందరు ఆశ్చర్యపోతున్నారు. ఈ ఘటన గోరఖ్పుర్ జిల్లాలో జరిగింది.
అసలు ఏం జరిగిందంటే.. బడల్గంజ్ పోలీస్ స్టేషన్ పరిధిలోని ఛపియా ఉమ్రావ్ గ్రామంలో కైలాశ్ యాదవ్ అనే వ్యక్తి నివసిస్తున్నాడు. ఇతడికి నలుగురు పిల్లలున్నారు. 12 ఏళ్ల క్రితమే భార్య చనిపోయింది. కాగా, పిల్లలందరికీ పెళ్లిళ్లు అయి విడిగా జీవిస్తున్నారు.
కొన్నేళ్ల క్రితం కైలాశ్ మూడో కుమారుడు కూడా చనిపోయాడు. దీంతో అతడి భార్య పూజ ఒంటరిగానే ఉంటోంది. తాజాగా కైలాశ్ పూజను సమీపంలోని ఓ గుడిలోకి తీసుకెళ్లి పెళ్లి చేసుకున్నాడు. నుదుట సిందూరం దిద్ది పూల దండలు మార్చుకున్నారు. ఈ పెళ్లికి సంబంధించిన ఫొటో ఒకటి సామాజిక మాధ్యమాల్లో తెగ వైరల్ అవుతోంది. దీంతో ఈ పెళ్లిపై భిన్నాభిప్రాయాలు వెల్లడిస్తున్నారు నెటిజన్లు.
ఈ పెళ్లి గురించి కైలాశ్ సొంతూళ్లో కూడా పెద్ద ఎత్తున చర్చ నడుస్తోంది. 28 ఏళ్ల కోడలిని గుడిలో పెళ్లి చేసుకుని ఇంటికి తీసుకువచ్చిన మామపై స్థానికులు ప్రశ్నల వర్షం కురిపిస్తున్నారు. అయినా వాటికి కైలాశ్ సమాధానం ఇవ్వటం లేదు. కాగా, ఈ పెళ్లి అనుకూలంగా కొంతమంది, వ్యతిరేకంగా కొంతమంది వాదనలు వినిపిస్తున్నారు. 'కోడలిపై అంత బాధ్యత ఉంటే.. మరొకరికి ఇచ్చి పెళ్లి చేయాల్సింది' అని ఆ వృద్ధుడి వ్యవహారంపై కొంత మంది మండిపడుతున్నారు. మరికొంత మంది దీన్ని వ్యతిరేకిస్తూనే.. ఇద్దరి అంగీకారంతోనే విషయం పెళ్లి వరకు వెళ్లిందని అభిప్రాయపడుతున్నారు.
