కేంద్ర-రాష్ట్ర పోలీసు బలగాల్లో భారీ ఖాళీలు

దేశంలో పలు రాష్ట్రాలు, కేంద్ర స్థాయి పోలీసు బలగాలకు సంబంధించిన ఓ నివేదికను విడుదల చేసింది పోలీసు పరిశోధన అభివృద్ధి సంస్థ(బీజీఆర్​డీ).​ 2020 జనవరి నాటికి వివిధ రాష్ట్రాల్లో 5.31 లక్షలు, కేంద్ర సాయుధ బలగాల్లో 1.27 లక్షల ఖాళీలున్నట్లు ఈ నివేదికలో పేర్కొంది.

2020 జనవరి 1 నాటికి రాష్ట్రాలు, కేంద్ర స్థాయి పోలీసు శాఖకు సంబంధించి ఓ నివేదిక విడుదల చేసింది కేంద్ర హోంశాఖ పరిధిలోని పోలీసు పరిశోధన అభివృద్ధి సంస్థ(బీజీఆర్​డీ). దేశంలో వివిధ రాష్ట్రాల్లో 5,31,737 పోలీసు పోస్టులు ఖాళీగా ఉన్నాయని పేర్కొంది. కేంద్ర సాయుధ పోలీసు దళాల్లోనూ(సీఏపీఎఫ్​) 1,27,120 ఖాళీలున్నాయని వెల్లడించింది. అయితే 2019లో ఆయా విభాగాల్లో మొత్తం 1,19,069 నియామకాలు జరిగాయని బీజీఆర్​డీ తెలిపింది.

పెరిగిన మహిళల శాతం

భద్రత నిర్వహణలో మహిళల సంఖ్య పెరిగిందని నివేదిక పేర్కొంది. గతంలో కేవలం 10.30 శాతం ఉన్న మహిళా బలగాలు.. గతేడాది జరిగిన నియామకాల ద్వారా 16.05 శాతానికి పెరిగినట్లు బీపీఆర్​డీ తెలిపింది. అయితే సీఏపీఎఫ్​లో మాత్రం 2.98శాతం మంది మహిళా పోలీసులే ఉన్నట్లు వెల్లడించింది.

ఇదీ చూడండి: 'ఈసారి చర్చలు విఫలమైతే రంగంలోకి దిగుతాం'