జమ్ముకశ్మీర్ దోడా జిల్లాలో ఉగ్రవాద వ్యతిరేక దాడుల్లో 40 కిలోల ఆర్డీఎక్స్తో పాటు.. పలు అధునాతన పేలుడు పరికరాలు, ఐఈడీ బాంబులను స్వాధీనం చేసుకున్నట్లు భద్రతా దళాలు వెల్లడించాయి. ఈ ఆపరేషన్లో పోలీసులు, సీఆర్పీఎఫ్, ఎస్ఎస్బీ దళాలు సంయుక్తంగా పాల్గొన్నట్లు వెల్లడించాయి.
పేలుడు పదార్థాలు ఉన్నాయన్న సమాచారం మేరకు.. దోడా జిల్లా చకరంది గ్రామంలో సెర్చ్ ఆపరేషన్ ప్రారంభించినట్లు రక్షణ ప్రతినిధి ఒకరు చెప్పారు.
ఈ దాడుల్లో ఆర్డీఎక్స్, ప్రెజర్ కుక్కర్ బాంబులు(ఐఈడీలు), ఐరన్ పైప్ బాంబులు, నాలుగు డిటోనేటర్లు, ఎలక్ట్రికల్ వైర్ను భద్రతా దళాలు స్వాధీనం చేసుకున్నాయి.
ప్రస్తుతం ప్రశాంతంగా ఉన్న మారుమూల ప్రాంతాలను ఉగ్రవాదులు అస్థిరపరిచేందుకు కుట్రపన్నుతున్నట్లు గుర్తించామని భద్రతాధికారి తెలిపారు. ఈ చర్య ద్వారా ఉగ్రవాదుల కుట్రను విజయవంతంగా అడ్డుకున్నట్లు వివరించారు.
ఇవీ చదవండి: జమ్ముకశ్మీర్లో ఎన్కౌంటర్- ఇద్దరు ఉగ్రవాదులు హతం
