ఉగ్రవాద సంస్థ లష్కరే తోయిబాకు చెందిన ముగ్గురు ఉగ్రవాద అనుచరులను (Militant Arrested In Jammu) జమ్ముకశ్మీర్లోని కుల్గాం జిల్లాలో అరెస్ట్ చేసినట్లు పోలీసులు తెలిపారు. అదుపులోకి తీసుకున్న వారిని అబిద్ ముస్తాక్, ఆదిల్ జమాల్ భట్, దినీష్ రసూల్ భట్గా అధికారులు గుర్తించారు. వీరంతా పుల్వామాలోని త్రాల్ అనే ప్రాంతానికి చెందిన వారని పేర్కొన్నారు.
భద్రతా దళాలు కుల్గాంలోని మీర్ బజార్ వద్ద వాహనాలన తనిఖీ చేస్తున్నప్పుడు నిందితులు కారు, మోటార్ సైకిల్పై వచ్చారని తెలిపారు. వెంటనే గుర్తించిన సిబ్బంది వారిని అదుపులోకి తీసుకున్నట్లు స్పష్టం చేశారు.
నిందితుల నుంచి నాలుగు హ్యాండ్ గ్రనేడ్లు, నాలుగు డిటోనేటర్లు, ఒక ఐఈడీ, ఒక ఐఈడీ వైర్, ఒక ఏకే 47 షార్ట్ రైఫిల్, ఒక మ్యాగజైన్, 30 పిస్టల్ రౌండ్లు స్వాధీనం చేసుకున్నట్లు స్పష్టం చేశారు.
అక్రమ చొరబాటు..
పాకిస్థాన్ ఆక్రమిత కశ్మీర్కు చెందిన ఓ వ్యక్తిని పోలీసులు అరెస్ట్ చేశారు. పూంఛ్ సెక్టార్లోని నియంత్రణ రేఖ (LOC News) వద్ద భారత్లోకి అక్రమంగా చొరబడుతుండగా పట్టుకున్నారు.
''సుమారు మధ్యాహ్నం 12.30 గంటల సమయంలో పాకిస్థాన్ ఆక్రమిత కశ్మీర్కు చెందిన ఓ వ్యక్తి భారత భూభాగంలోకి అక్రమంగా చొరబడ్డాడు. అతడిని మన భద్రతాదళాలు మెంఢార్ నదీ పరీవాహక ప్రాంతంలోని బల్నోయ్ వద్ద అదుపులోకి తీసుకున్నాయి."
- అధికారులు
అయితే దీనిపై మరిన్ని విషయాలు తెలియాల్సి ఉందని అధికారులు తెలిపారు. దర్యాప్తు అనంతరం పూర్తి వివరాలు వెల్లడిస్తామన్నారు.
ఇదీ చూడండి: కళాశాలలోనే విద్యార్థిని తల నరికేసిన ప్రేమోన్మాది
