PUBG game murder: పబ్జీకి బానిసలుగా మారిన వారు ఎలా ప్రవర్తిస్తుంటారో కొన్ని సార్లు ఎవ్వరికి అర్థం కాదు. ఇప్పటికే ఈ ఆన్లైన్ గేమ్ ఎందరినో బలితీసుకుంది. ఇప్పుడు మహారాష్ట్ర ఠాణెలోని వార్తక్ నగర్లో మరో ఘటన జరిగింది. పబ్జీ గేమ్ ఓ యువకుని ప్రాణం పోవడానికి కారణమైంది.
సాయిల్ జాదవ్ అనే వ్యక్తి తన ముగ్గురు స్నేహితులతో కలిసి తరచుగా పబ్జీ ఆడేవాడు. సోమవారం రాత్రి 9 గంటల సమయంలో ఈ నలుగురు కలిసి పబ్జీ ఆడుకున్నారు. ఈ క్రమంలోనే వీరి మధ్య గొడవ తలెత్తింది. ముగ్గురు స్నేహితులు కలిసి సాయిల్ జాదవ్పై దాడి చేశారు. కత్తితో పొడిచి చంపేశారు.
ఘటనాస్థలిలోనే జాదవ్ మరణించాడని పోలీసులు తెలిపారు. ఈ హత్యకు కారణమైన 20 ఏళ్ల యువకుడిని పోలీసులు అరెస్ట్ చేశారు. మరో ఇద్దరు మైనర్ యువకులపై పోలీసులు కేసు నమోదు చేశారు.
సోదరుడినే మట్టుబెట్టి....
మరోవైపు, స్నేహితుడితో గొడవ పెట్టుకున్నాడని సోదరుడిని హత్య చేశాడు ఓ వ్యక్తి. మహారాష్ట్రలోని చివాడ గల్లీలో ఈ ఘటన జరిగింది. నిందితుడు అశోక్ని కల్చౌకి పోలీసులు అదుపులోకి తీసుకుని మర్డర్ కేసు నమోదుచేశారు.
ఇదీ చదవండి: ఆస్పత్రిలో పేలుడు.. అనేక మందికి గాయాలు
