సరదాగా గడిపేందుకు నదీ తీరానికి వెళ్లిన ఓ కుటుంబంలో ముగ్గురు వ్యక్తులు ప్రమాదవశాత్తు నదిలో పడి మృతిచెందారు. ఈ ఘటన తమిళనాడులోని కడలూరు జిల్లాలో జరిగింది.
ఇదే జరిగింది..
కడలూరు జిల్లా ముళ్లిగ్రామ్‌పట్టు ప్రాంతానికి చెందిన లోకేశ్వరన్‌.. తన కుటుంబసభ్యులతో కలిసి దగ్గర్లోని తెన్‌పెన్నై నదికి వెళ్లారు. ఇటీవల కురుస్తున్న వర్షాల కారణంగా తమిళనాడులో నదులు పొంగిపొర్లుతున్నాయి.
ఈ నేపథ్యంలో.. ఒడ్డున కూర్చుని అంతా సెల్ఫీలు తీసుకుంటూ ఆనందంగా గడిపారు. ఆ సమయంలో లోకేశ్వరన్‌ ప్రమాదవశాత్తు నదిలో పడిపోయాడు. కాపాడే ప్రయత్నంలో అతని చెల్లెలు, సోదరుడు నదిలో దూకారు.
ఈ క్రమంలో ముగ్గురూ ప్రాణాలు కోల్పోయారు. ఘటనా స్థలానికి చేరుకున్న పోలీసులు ముగ్గురి మృతదేహాలను బయటకు తీయించారు. పోస్టుమార్టం నిమిత్తం ఆస్పత్రికి తరలించారు.
ఇదీ చూడండి: Live Video: రూ.2500 కోసం ఫ్రెండ్ను కత్తితో పొడిచి..
