కర్ణాటకలో 25కిలోల జిలెటిన్ పట్టివేత

కర్ణాటకలోని ఓ క్వారీలో 25 కిలోల జిలెటిన్​ను అధికారులు స్వాధీనం చేసుకున్నారు. అంతర్గత భద్రతా విభాగానికి చెందిన పోలీసు అధికారి నేతృత్వంలోని బృందం నిర్వహించిన తనిఖీల్లో ఇవి బయటపడ్డాయి.

కర్ణాటకలో భారీస్థాయిలో నిషేధిత పేలుడు పదార్థాలను అధికారులు స్వాధీనం చేసుకున్నారు. యాద్​గిరి జిల్లా సూరంపుర తాలుకాలోని ఓ గనిలో వీటిని పట్టుకున్నారు.

మొత్తం 25 కిలోల బరువు ఉన్న 30 జిలెటిన్​ స్టిక్స్​ను 'ఆరాధ్య స్టోన్​ క్రిస్టియన్ క్వారీ'లో అధికారులు స్వాధీనం చేసుకున్నారు. అంతర్గత భద్రతా విభాగానికి చెందిన పోలీసు అధికారి నేతృత్వంలోని బృందం నిర్వహించిన తనిఖీల్లో ఇవి బయటపడ్డాయి.

జిలెటిన్​ స్వాధీనం చేసుకుంటున్న పోలీసులు

క్వారీలో అధికారుల తనిఖీలు

బొలేరో వాహనంలో జిలెటిన్​

డబ్బాలో భద్రపరిచిన పేలుడు పదార్థాలు

క్వారీని ఎస్పీ రిషికేశ్ భగవాన్ సోనావనే సందర్శించారు. క్వారీ మేనేజర్​ ఆనంద రెడ్డి సహా ఓ బొలేరో వాహన డ్రైవర్​ను పోలీసులు అదుపులోకి తీసుకున్నారు. ఈ క్వారీ.. ముద్దెబిహల్​ ఎమ్మెల్యే ఎస్ఎస్​ పాటిల్​ సోదరుడికి చెందినదిగా తెలుస్తోంది.

ఇదీ చూడండి:పుస్తకాలు చదివి సేద్యం.. రోజుకు రూ.1500 సంపాదన!