ఎన్నికల వేళ ఆ రాష్ట్రంలో భారీగా నగదు సీజ్​

తమిళనాడు ఎన్నికలు సమీపిస్తోన్న వేళ ఆ రాష్ట్రంలో వివిధ చోట్ల నిర్వహించిన తనిఖీల్లో రూ.217.35 కోట్లు విలువ చేసే నగదు, వస్తువులను సీజ్​ చేసినట్లు అధికారులు వెల్లడించారు. ప్లయింగ్ స్క్వాడ్​ బృందాలు విస్తృతంగా సోదాలు నిర్వహించినట్లు తెలిపారు.

తమిళనాడులో అసెంబ్లీ ఎన్నికల వేళ భారీగా అక్రమ నగదు పట్టుబడుతోంది. ఇప్పటివరకూ నిర్వహించిన దాడుల్లో మొత్తం రూ.217.35 కోట్లు విలువ చేసే నగదు, వస్తువులు సీజ్​ చేసినట్లు తమిళనాడు ప్రధాన ఎన్నికల అధికారి సత్యప్రద సగు తెలిపారు.

పట్టుబడిన నగదు, వస్తువుల వివరాలు..

వీటిలో..

• రూ.80.88 కోట్ల నగదు.
• 404 కిలోల బంగారం(రూ.117కోట్లు).
• 299 కిలోల వెండి(రూ.1.65కోట్లు).
• 1,18,524.37 లీటర్ల మద్యం(రూ.1.61కోట్లు ) పట్టుబడినట్లు ఎన్నికల అధికారి వివరించారు.

ఇదీ చదవండి: ఓటర్లకు డబ్బులు పంచిన అన్నాడీఎంకే నేత