13 Thousand Nude Photos In Lover Mobile : తన ప్రియుడి ఫోన్లో 13వేల న్యూడ్ఫొటోలను చూసి ఓ యువతి షాక్ అయింది. అనుకోకుండా తన బాయ్ఫ్రెండ్ ఫోన్లో గ్యాలరీని చూసిన యువతి ఈ విషయంపై పోలీసులకు ఫిర్యాదు చేసింది. నిందితుడిని పోలీసులు అరెస్టు చేశారు. ఈ ఘటన కర్ణాటకలోని బెంగళూరులో జరిగింది.
ఇంతకీ ఏం జరిగిందంటే?
బాధితురాలు బెల్లందూరులో ఓ ప్రైవేట్ కంపెనీలో ఉద్యోగి. అదే సంస్థలో పనిచేస్తున్న 25 ఏళ్ల యువకుడితో ఆమెకు పరిచయం ఏర్పడింది. ఆ పరిచయం కాస్త ప్రేమగా మారింది. ఈ క్రమంలోనే వారు సన్నిహితంగా ఉండేవారు. వారిద్దరి రహస్య వీడియోలను నిందితుడు ఫోన్లో రికార్డు చేశాడు. వాటిని తొలగించాలని ప్రియుడిని యువతి పలుమార్లు కోరింది. అయినప్పటికీ నిందితుడు వాటిని ఫోన్ నుంచి డిలీట్ చేయలేదు.
ఇలా ఉండగా ఓ రోజు నిందితుడికి తెలియకుండా అతడి ఫోన్ను బాధితురాలు తీసుకుంది. ఆ ఫోన్లో గ్యాలరీ ఓపెన్ చేయగా.. అందులో యువకుడు తన సహోద్యోగితో సహా వివిధ మహిళలకు చెందిన నగ్న ఫొటోలు ఉన్నాయి. దీంతో విస్తుపోయిన యువతి.. ప్రియుడి వ్యవహారాన్ని కంపెనీ లీగల్ ఎగ్జిక్యూటివ్కు ఈ విషయాన్ని తెలియజేసింది. ఈ విషయంపై నవంబర్ 23న కంపెనీ ప్రతినిధి బారుబర్ పోలీస్ స్టేషన్లో ఫిర్యాదు చేశారు. కేసు నమోదు చేసుకున్న పోలీసులు నిందితుడిని అదుపులోకి తీసుకుని దర్యాప్తు చేపట్టారు.
హాస్టల్ టాయ్లెట్లో రహస్య కెమెరాలను అమర్చి..
లేడీస్ హాస్టల్(పీజీ) టాయ్లెట్లో వెబ్కెమెరాను అమర్చి యువతుల అసభ్యకరమైన వీడియోలను తీసింది ఓ యువతి. చండీగఢ్లో జరిగిందీ ఘటన. ఈ విషయంపై హాస్టల్ నిర్వాహకులు పోలీసులకు ఫిర్యాదు చేశారు. నిందితులను పోలీసులు అదుపులోకి తీసుకున్నారు.
పోలీసులు తెలిపిన వివరాల ప్రకారం.. చండీగఢ్లోని సెక్టార్ 22లో పీజీలో కొందరు యువతులు ఉంటున్నారు. వారిలో ఓ అమ్మాయి తన ప్రియుడి కోరిక మేరకు టాయ్లెట్లో వెబ్క్యామ్ను అమర్చింది. దీని ద్వారా పీజీలోని యువతుల రహస్య వీడియోలను ఎవరి కంటా పడకుండా చిత్రీకరించేవారు. ఈ క్రమంలోనే పీజీలో ఉండే ఓ అమ్మాయి టాయ్లెట్లో నలుపురంగు వస్తువు ఉండటాన్ని చూసింది. ఈ విషయంపై పీజీ నిర్వాహకులకు యువతి తెలిపింది. దీంతో పీజీ నిర్వాహకులు పోలీసులకు ఫిర్యాదు చేశారు. రంగంలోకి దిగిన పోలీసులు.. హాస్టల్లో రహస్యంగా వెబ్క్యామ్ను అమర్చిన యువతితో పాటు దీనికి సహాకరించిన మరో యువకుడిని అరెస్టు చేశారు. పోలీసులు వారి వద్ద నుంచి కెమెరా, మొబైల్ ఫోన్ను స్వాధీనం చేసుకుని.. వాటిని ఫోరెన్సిక్ ల్యాబ్కు పంపించారు.
'తొమ్మిదేళ్లుగా అఫైర్.. పెళ్లి చేసుకోమంటే మతమార్పిడికి బలవంతం'
దండలు మార్చుకున్నారు.. కాసేపట్లో మూడు ముళ్లు.. ఇంతలోనే వధువును కాల్చి చంపి..
