Covid Cases in India: దేశంలో కరోనా కేసులు స్వల్పంగా పెరిగాయి. కొత్తగా 1,109 కేసులు వెలుగులోకి వచ్చాయి. మరో 43 మంది మరణించారు. యాక్టివ్ కేసుల సంఖ్య 12 వేల దిగువకు పడిపోయింది. 1,213 మంది బాధితులు కరోనా నుంచి కోలుకున్నారు. రికవరీ రేటు 98.76 శాతంగా నమోదైంది.
• యాక్టివ్ కేసులు: 11,492
• మరణాలు: 5,21,573
• మొత్తం కేసులు: 4,30,33,067
• రికవరీలు: 4,24,98,789
India vaccination: దేశంలో కరోనా టీకా పంపిణీ వేగంగా సాగుతోంది. 16,80,118 మందికి గురువారం టీకాలు అందించారు. దీంతో ఇప్పటివరకు పంపిణీ చేసిన డోసుల సంఖ్య 185.38 కోట్లకు చేరింది. 12-14 ఏళ్ల మధ్య వారికి పంపిణీ చేసిన డోసుల సంఖ్య 2.11 కోట్లుగా ఉన్నట్లు కేంద్రం వెల్లడించింది. గురువారం 4,53,582 కరోనా టెస్టులు నిర్వహించారు.
World Covid cases: ప్రపంచవ్యాప్తంగా కొత్తగా 11,41,677 కేసులు వెలుగులోకి వచ్చాయి. 3,512 మంది ప్రాణాలు కోల్పోయారు. జర్మనీ, దక్షిణ కొరియాలో వైరస్ వ్యాప్తి తీవ్రంగా ఉంటోంది. దక్షిణ కొరియాలో కొత్తగా 2.24 లక్షల కేసులు నమోదుకాగా.. 348 మంది వైరస్కు బలయ్యారు. మరోవైపు జర్మనీలో కూడా రెండు లక్షలకు పైగా కేసులు వెలుగులోకి వచ్చాయి. 289 మంది ప్రాణాలు కోల్పోయారు. ఫ్రాన్స్, ఇటలీ, ఆస్ట్రేలియా, వియత్నాం, జపాన్ దేశాల్లో వైరస్ వ్యాప్తి ప్రమాదకరంగా ఉంది.
ఇదీ చూడండి : రెండు డోసుల కొవాగ్జిన్తో.. కొవిడ్ నుంచి అత్యంత రక్షణ
