దేశవ్యాప్తంగా 10 జిల్లాల్లోనే అత్యధికంగా కరోనా కేసులు నమోదవుతున్నాయని కేంద్రం వెల్లడించింది. దేశంలోని క్రియాశీల కేసుల్లో సగానికిపైగా మహారాష్ట్రలోనే నమోదవుతున్నాయని పేర్కొంది. 34 శాతం మరణాలు మహారాష్ట్రలోనే ఉన్నాయన్న కేంద్రం... ఆ రాష్ట్రంలోని 7 జిల్లాల్లో కొవిడ్ ఉద్ధృతి తీవ్రంగా ఉందని స్పష్టం చేసింది.
కర్ణాటక, ఛత్తీస్గఢ్, దిల్లీలోని ఒక్కో జిల్లాలో అధికంగా కేసులు నమోదవుతున్నట్లు కేంద్రం తెలిపింది. దేశంలోని యాక్టివ్ కేసుల్లో 6 శాతం ఛత్తీస్గఢ్లోనే నమోదవుతున్నాయని, మరణాల సంఖ్య 3 శాతంగా ఉందని పేర్కొంది. పంజాబ్లో మరణాల సంఖ్య 4.5 శాతంగా ఉందని తెలిపింది.
రాష్ట్రాలు ఆర్టీపీసీఆర్ పరీక్షల నిర్వహణ పెంచాలని కేంద్రం సూచించింది. మహారాష్ట్రలో ఆర్టీపీసీఆర్ పరీక్షల నిర్వహణ 60 శాతంగానే ఉందని ఆ సంఖ్య 70 శాతానికి పెరగాలని ఆదేశించింది.
ఇదీ చదవండి:'మే 2న టీఎంసీ కథ కంచికే!'
