దేశ రాజధాని హస్తినలో లేపాక్షి రాజసం

గణతంత్ర దినోత్సవం సందర్భంగా దిల్లీలోని రాజ్​పథ్​లో నిర్వహించిన కవాతులో లేపాక్షి నేపథ్యంతో కూడిన ఆంధ్రప్రదేశ్ శకటం ఆకట్టుకుంది. నంది విగ్రహం శకటానికే ప్రత్యేక ఆకర్షణగా నిలిచింది. ఆలయ అద్భుత నిర్మాణశైలి, ముఖ మండపం, అర్ధాంతరంగా ఆగిన కల్యాణ మంటపం నమూనాను ప్రదర్శించారు. వీరశైవుల సంప్రదాయ కళారూపం వీరగాసే నృత్యాన్ని కళాకారులు ప్రదర్శించారు.