రెచ్చిపోయిన హిజ్రాలు - డబ్బులు ఇవ్వలేదని నడి రోడ్డుపై ఆటో డ్రైవర్‌పై దాడి

అనంతపురం జిల్లాలో రెచ్చిపోయిన హిజ్రాలు - డబ్బులు ఇవ్వనందుకు ఓ ఆటో డ్రైవర్​ను కిందపడేసి కర్రలతో దాడి

Hijras Attack on Auto Driver in Bukkarayasamudram Of Anantapur District : అనంతపురం జిల్లాలో హిజ్రాలు రెచ్చిపోయారు. డబ్బులు ఇవ్వనందుకు ఓ ఆటో డ్రైవర్​పై హిజ్రాలు దాడి చేసి చితకబాదారు. బుక్కరాయసముద్రం ఎన్టీఆర్ పార్కు దగ్గర ఉన్న రహదారిపై హిజ్రాలు వాహనాలను ఆపి బిక్షాటన చేస్తుంటారు. ఈ క్రమంలోనే బత్తలపల్లికి చెందిన ఓ ఆటోడ్రైవర్ ఆ దారిలో వచ్చాడు. అతడు డబ్బులు ఇవ్వక పోవడంతో హిజ్రాలు అతనితో వాగ్వాదానికి దిగారు. అనంతరం హిజ్రాలంతా కలిసి అతన్ని కిందపడేసి కర్రలతో దాడిచేసి పిడి గుద్దులు కురిపించారు.

భయాందోళనకు గురైన స్థానికులు హిజ్రాలను, ఆటో డ్రైవర్​ను అక్కడి నుంచి పంపించేశారు. ఘటనకు సంబంధించిన వీడియో సామాజిక మాధ్య మాల్లో వైరల్​గా మారింది. చెరువు కట్ట రహదారిపై హిజ్రాల ఆగడాలు రోజురోజుకూ ఎక్కువయ్యాయని స్థానికులు చెబుతున్నారు. పోలీసులు స్పందించి వాహనదారులపై దాడులు చేయకుండా తగిన చర్యలు తీసుకోవాలని కోరుతున్నారు.