ఎమ్మెల్యే అనంతకు చేదు అనుభవం - కార్యకర్తల నుంచి స్పందన కరవు

YSRCP MLA Ananta Venkatarami Reddy Funny Incident: అనంతపురంలో వైఎస్సార్సీపీ చేపట్టిన సామాజిక సాధికార బస్సు యాత్రలో ఎమ్మెల్యే అనంత వెంకటరామిరెడ్డి (MLA Ananta Venkatarami Reddy)కి చేదు అనుభవం ఎదురైంది. సభలో మాజీ ఎమ్మెల్సీ జూపూడి ప్రభాకర్(Former MLC Jupudi Prabhakar) ప్రసంగిస్తూ 'మిమ్మల్ని ఎమ్మెల్యే అనంత వెంకటరామిరెడ్డికి ఓటు వేయమని అడగలేదు, మీకు వెంకటరామిరెడ్డి పాలన నచ్చితే చేతులు పైకి ఎత్తండి' అని కార్యకర్తలను కోరారు. 

అయితే జూపూడి ప్రభాకర్ వ్యాఖ్యలకు కార్యకర్తల నుంచి సరైన స్పందన రాలేదు. దీంతో 'మీకు ఎమ్మెల్యే అనంత వెంకటరామి రెడ్డి నచ్చలేదా నచ్చలేదా' అంటూ జూపూడి వ్యాఖ్యానించారు. జూపూడి ప్రభాకర్ చేసిన వ్యాఖ్యలు ప్రస్తుతం సోషల్ మీడియాలో వైరల్​గా మారాయి. సోషల్ మీడియాలో ఈ వీడియోను చూసిన నెటిజన్లు ఒకవైపు సభకు జనం రాకపోవటం, మరోవైపు కార్యకర్తల నుంచి సైతం జూపూడి వ్యాఖ్యలకు సరైన స్పందన రాకపోవటంపై విపరీతంగా ట్రోల్స్ చేస్తున్నారు.