YSRCP Deleted Rushikonda Constrcutions Tweet: అంతా తూచ్​.. రుషికొండపై నిర్మిస్తోంది సచివాలయం కాదు..! వైసీపీ మరో ట్విట్​..

YSRCP Deleted Rushikonda Constrcutions Tweet: విశాఖ రుషికొండపై చేపట్టిన నిర్మాణంపై స్పందించిన వైసీపీ మరోసారి మాట మార్చింది. రుషికొండపై చేపట్టిన నిర్మాణాలు సచివాలయ భవనాలు కాదని మాట మార్చింది. రుషికొండపై నిర్మితమవుతున్న భవనాలు సచివాలయం అంటూ శనివారం సామాజిక మాధ్యమం ట్విట్టర్​ ద్వారా స్పష్టం చేయగా.. అవి పర్యాటక శాఖ ఆధ్వర్యంలో రాష్ట్ర ప్రభుత్వ నిర్మాణాలుగా పరిగణించాలని గంటల వ్యవధిలో మరో ట్విట్​ చేశారు. 24 గంటలు గడవక ముందే ఇలా మాట మార్చటంపై విమర్శలు వెల్లువెత్తుతున్నాయి. ఇప్పటికే ఈ నిర్మాణాలపై వైసీపీ విమర్శలను ఎదుర్కోంటోంది. ఆ నిర్మాణాలు ఎంటనే విషయాన్ని ఇప్పటివరకు ప్రకటించలేదు. ఇప్పుడు ఇలా ప్రకటించి మాట మార్చింది. ఇకపోతే వైసీపీ శనివారం ట్వీట్టర్​లో రుషికొండపై నిర్మాణం సచివాలయ భవనమని ధృవికరించిన ట్వీట్​ను తొలగించింది. ఆ భవనాలను ఎందుకోసం నిర్మిస్తున్నారో మాత్రం స్పష్టం చేయలేదు. ఆ విషయాన్ని ఎక్కడా బహిరంగంగా ప్రకటించలేదు. ట్వీట్​ను తొలగించటంపై ప్రతిపక్షం విమర్శలు గుప్పించింది. ఆ ట్వీట్​ను ఎందుకు తొలగించారంటూ ప్రశ్నించింది. భయంతో తొలగించారా.. లేక ముఖ్యమంత్రి నుంచి కోటింగ్​ పడిందా అంటూ వ్యంగ్యాస్త్రాలు విసిరింది.