YCP Leaders Arranged Flexi Against Lokesh Padayatra: " లోకేశ్​ పాదయాత్రలో ఆశాంతిని నెలకొల్పాలని.. బ్లేడ్​ బ్యాచ్​, సీసాల బ్యాచ్​ని దింపారు.."

 YCP Leaders Arranged Flexi Against Lokesh Padayatra: పాదయాత్ర నిర్వహిస్తున్న లోకేశ్​కు కల్పించని భద్రత.. నూజివీడులో వైసీపీ నాయుకులు ఏర్పాటు చేసిన ఫెక్సీని కాపాడేందుకు పెట్టారని టీడీపీ నేతలు ఆగ్రహం వ్యక్తం చేశారు. లోకేశ్​ పాదయాత్ర కొనసాగిస్తున్న తరుణంలో.. వైసీపీ నేతలు కవ్వింపు చర్యలకు దిగుతున్నారని ఆరోపించారు. లోకేశ్​ పాదయాత్ర నిర్వహిస్తున్న క్రమంలో రెచ్చగొట్టే విధంగా.. ఇన్ని రోజులు లేకుండా ఇప్పుడే ఫ్లెక్సీలను ఏర్పాటు చేశారన్నారు. గోదావరి జిల్లాలోని చింతలపూడి వద్ద రేపు యువగళం పాదయాత్ర ప్రవేశించనుంది. లోకేశ్​ పాదయాత్ర సమయంలో వైసీపీ నాయకులు ఈ చర్యకు దిగటాన్ని టీడీపీ నేతలు తీవ్రంగా తప్పుబడుతున్నారు. నూజివీడులో నిర్వహిస్తున్న పాదయాత్రలో అశాంతిని నెలకొల్పటానికి.. ఏలూరు నుంచి బ్లేడ్​ బ్యాచ్​, సీసాల బ్యాచ్​ని రప్పించారని అన్నారు. పట్టణంలో వైసీపీ నాయకుల కుట్రలను ముందుగానే గ్రహించి.. తిప్పికొట్టినట్లు వివరించారు. అవినీతి, అక్రమాలకు వ్యతిరేకంగా ధర్నాలు చేస్తున్న సరే తమ ఫిర్యాదులు తీసుకోలేని పరిస్థితి నెలకొందని ఆవేదన వ్యక్తం చేశారు.