ఉరుసు ఉత్సవాల్లో గంధోత్సవం - పూల చాదర్ సమర్పించిన ఏఆర్ రెహమాన్

Urusu Utsav at Amin Peer Dargah : కడప జిల్లాలో ప్రసిద్ధిగాంచిన పెద్ద దర్గా ఉరుసు ఉత్సవాలలో(Urusu Utsav) భాగంగా గంధోత్సవం ఆదివారం ఘనంగా నిర్వహించారు. ఈ కార్యక్రమానికి ముఖ్య అతిథిగా ఆంధ్రప్రదేశ్ ఉప ముఖ్యమంత్రి అంజాద్ భాష ( Deputy Chief Minister Amjad badshah), ప్రముఖ సంగీత దర్శకుడు ఏఆర్ రెహమాన్(AR Rehman) హాజరయ్యారు. గంధోత్సవానికి ప్రత్యేకంగా తీసుకొచ్చిన పూల చాదర్​ను స్వామివారికి సమర్పించారు.

Amin Peer Dargah Gandotsava  Celebrations  in Kadapa district: దక్షిణాది అజ్మీర్​గా ప్రసిద్ధిగాంచిన కడప జిల్లాలో అమీన్ పీర్ దర్గా (పెద్ద దర్గా)లో ఉరుసు ఉత్సవాలు నిర్వహించారు. ఉరుసు సందర్భంగా దర్గా విద్యుత్‌ దీపాలతో దేదీప్యమానంగా వెలుగుతీరింది. ఈ ఉత్సవాన్ని తిలకించిందేందుకు వివిధ ప్రాంతాల నుంచి భారీ సంఖ్యలో భక్తులు, ప్రజలు తరలివచ్చారు. ప్రత్యేక ప్రార్థనలు నిర్వహించి మెుక్కులు తీర్చుకున్నారు. రాత్రి 9.30 గంటలకు పీఠాధిపతి నివాసం నుంచి ఊరేగింపుగా గంధం తీసుకువచ్చి పూలచాదర్​ను భక్తి శ్రద్దలతో సమర్పించారు. డప్పు వాయిద్యాలు, పకీర్ల విన్యాసాలు అందరినీ ఆకట్టుకున్నాయి. గంధోత్సవాన్ని దర్గా పీఠాధిపతి అరిఫుల్ల హుస్సేని దగ్గరుండి నిర్వహించారు. సోమవారం కూడా ఉరుసు ఉంటుందని దర్గా మేనేజరు అలీఖాన్, నిర్వాహకులు అమీర్ తెలిపారు.