Russian Devotees Visits Srikalahasti Temple: శ్రీకాళహస్తీశ్వర ఆలయంలో రష్యన్ భక్తుల సందడి.. నిర్మాణ శైలికి ఫిదా

Russian Devotees Visits Srikalahasti Temple: తిరుపతి జిల్లా శ్రీకాళహస్తీశ్వర ఆలయంలో రష్యన్ భక్తులు సందడి చేశారు. సుమారు 20 మందికి పైగా భక్తులు హిందూ సంప్రదాయ ప్రకారం వస్త్రాల ధరించి ఆలయానికి చేరుకుని స్వామివారిని, అమ్మవారిని దర్శించుకున్నారు. ఓం నమః శివాయా.. అంటూ ముక్కంటి నామ స్మరణలతో.. ఆలయంలో ప్రత్యేక పూజలు నిర్వహించారు. అనంతరం ఆలయంలోని శిలా నైపుణ్యాలను పరిశీలించిన రష్యన్ భక్తులు.. నిర్మాణ శైలికి మంత్రముగ్ధులయ్యారు. ఆలయ చరిత్ర, ప్రాచుర్యం గురించి అడిగి తెలుసుకున్నారు. ఆలయ పరిసర ప్రాంతాల్లోని ఆధ్యాత్మిక అందాలను మొబైల్ ఫోన్స్​లో ఫొటోస్ తీసుకున్నారు. ఆలయంలో సందడి చేసిన రష్యన్స్​తో సెల్ఫీలు తీసుకునేందుకు స్థానిక భక్తులు పోటీపడ్డారు. ముక్కంటి కొలువై ఉన్న శ్రీకాళహస్తీశ్వర ఆలయాన్ని సందర్శించుకోవటం తమకు చాలా ఆనందంగా ఉందని రష్యన్స్ తెలిపారు. ఆలయ ప్రాంగణంలో శివనామ స్మరణ చేస్తూ.. శివాలయంలో చాలా సేపు ఆనందంగా గడిపారు. శ్రీకాళహస్తీశ్వర ఆలయంలో రష్యన్స్ సందడి చేసిన వీడియో ప్రస్తుతం సోషల్ మీడియాలో వైరల్​గా మారింది.