కాకినాడ సముద్ర తీరంలో భారత రక్షణ దళం మాక్​ డ్రిల్

Coast Gaurd Mock Drill: భారతీయ తీరప్రాంత రక్షణ దళం (కోస్ట్​గార్డ్) తూర్పు రీజియన్ ఆధ్వర్యంలో కాకినాడ కాలుష్య విపత్తు స్పందన మాక్​డ్రిల్ విజయవంతంగా నిర్వహించారు. 'పొల్యూషన్ రెస్పాన్స్ ఎక్సర్ సైజ్-2023' పేరిట సముద్రంలో 20 కిలోమీటర్ల లోపల ఈ ఎక్సర్​సైజ్​ నిర్వహించారు. ప్రమాదం సంభవించి ఆయిల్ ట్యాంకర్ నుంచి చమురు సముద్రంలోకి ఒలికిపోయిన సమయంలో సురక్షితంగా ఒడ్డుకు చేర్చే విధానాన్ని మాక్​డ్రిల్​లో సిబ్బంది ప్రదర్శించారు. చమురు తెట్టును సముద్రపు జలాల నుంచి తొలగించడంలో కోస్ట్ గార్డ్ యూనిట్లు, చమురు సంస్థలు, రాష్ట్ర ప్రభుత్వ యంత్రాంగం, ఇతర భాగస్వామ్య సంస్థల శక్తి సామర్థ్యాలను పరీక్షించేందుకు ఈ ఎక్సర్​సైజ్ ఏర్పాటు చేసినట్లు కోస్ట్ గార్డ్ కమాండెంట్ జీవీ మాధవ్ తెలిపారు. కాలుష్య నియంత్రణ నౌకతో సహా ఆరు ఇండియన్ కోస్ట్​గార్డ్ నౌకలు, ఒక ఐసీజీ డోర్నియర్ విమానం, ఒక హెలికాఫ్టర్​ పాల్గొన్నాయి. కోస్ట్​గార్డ్ ఉన్నతాధికారులు, కాకినాడ జిల్లా యంత్రాంగంతో పాటు చమురు సంస్థల ప్రతినిధులు ఈ ప్రదర్శనలో పాల్గొన్నారు.