IAM with Babu on Invitation Cards: అభిమానాన్ని ఆపతరమా..! చంద్రబాబుకు మద్దతుగా ఆహ్వాన పత్రికలపై 'బాబుతో నేను' స్టికర్లు

IAM with Babu Stickers in Half Saree Invitation Cards : విశాఖ తూర్పు నియోజకవర్గానికి చెందిన శ్రీనివాస రావు అనే తెలుగుదేశం పార్టీ  కార్యకర్త మాజీ ముఖ్యమంత్రి నారా చంద్రబాబు నాయుడుపై అభిమానాన్ని చాటుకున్నారు. ఇంట్లో శుభకార్యం జరుగుతున్నప్పుడు ఇంటికి పెద్దదిక్కు లేకపోతే.. ఎంత బాధగా ఉంటుందో.. ఇవాళ ఏపీకే పెద్దాయన అయిన బాబు పరిస్ధితిలో ఉండటం కూడా అంతే బాధగా ఉందంటూ (We are With CBN Slogan in Invitation Cards ) వినూత్న రీతిలో నిరసన తెలిపారు. 

తన కుమార్తె ఓణీల కార్యక్రమ ఆహ్వాన పత్రికలపై బాబుతో నేను సైతం అంటూ స్టిక్కర్లను అతికించారు. బాబుకు మద్దతు ఇవ్వాలని బంధువులను కోరారు. ఎస్​ఎస్‍ఎన్‍నగర్​కు చెందిన శ్రీనివాస రావు కుమార్తె కౌషిక ఓణీల కార్యక్రమం ఈ నెల 8న నిర్వహించనున్నారు.  అదే విధంగా శ్రీనివాస రావు నివాసంలో జరిగిన పసుపు, మంగళ స్నానం కార్యక్రమంలొ కూడా కుటుంబ సభ్యులంతా కలిసి బాబుకు మద్దతు ప్రకటించి ప్లకార్డులను ప్రదర్శిస్తూ తమ నిరసన తెలియజేశారు. చంద్రబాబు నాయుడుపై తమకు ఉన్న అభిమానాన్ని చాటుకున్నారు.