ఎస్పీ కార్యాలయం వద్ద దళితుల ఆందోళన - 'వైసీపీ అనుచరుల నుంచి పొంచి ఉన్న ముప్పు'

Dalits Protest in Front of SP Office : గుంటూరు జిల్లా ఎస్పీ కార్యాలయం వద్ద ఉద్రిక్త వాతావరణం నెలకొంది. వట్టిచెరుకూరు మండలం గారపాడులో శనివారం రాత్రి దళితులపై దాడిని నిరసిస్తూ బాధితులు, నేతలు ఆందోళనకు దిగారు. వైసీపీ నేత మన్నవ వీరనారాయణ నుంచి దళితులకు రక్షణ కల్పించాలని డిమాండ్​ చేశారు. మన్నవ వీరనారాయణ అనుచరులు అర్ధరాత్రి ఇంటి మీదకు వచ్చి తన భర్త వీరయ్యతో పాటు తనపై దాడి చేశారని బాధితురాలు ఆవేదన వ్యక్తం చేశారు. 

Dalit Demand for Justice : వైసీపీ నేత మన్నవ వీరనారాయణ నుంచి దళితులకు ప్రాణ హాని ఉందని, తమకు రక్షణ కల్పించాలని బాధితులు అధికారులను కోరుకున్నారు. దాడి చేసిన వారిపై 24 గంటల్లో చర్యలు తీసుకోవాలని దళిత నేత ఏసుపాదం డిమాండ్​ చేశారు. అనంతరం ఎస్పీ కార్యాలయం ఎదుట బైఠాయించి రక్షణ కల్పించాలని నినాదాలు చేశారు. దాడి చేసిన వారిని వెంటనే అరెస్ట్​ చేయకుంటే పెద్ద ఎత్తున ఆందోళన చేపడతామని దళిత నేతలు హెచ్చరించారు.