Congress Party Dharna at SVIMS Tirupati: నిరుపేదలకు ఉచిత వైద్యం అందించాలి..: స్విమ్స్​ ఎదుట కాంగ్రెస్​ ధర్నా

Congress Party Dharna at SVIMS Tirupati: తిరుపతిలోని శ్రీ వేంకటేశ్వర వైద్య విజ్ఞాన సంస్థలో నిరుపేదలకు ఉచిత వైద్యం అందించాలని కాంగ్రెస్​ పార్టీ శ్రేణులు స్విమ్స్​ ఎదుట ధర్నాకు దిగాయి. ఈ కార్యక్రమంలో కాంగ్రెస్​ పార్టీ మాజీ ఎంపీ చింతా మోహన్​ కూడా పాల్గొన్నారు. ఈ సందర్భంగా మాట్లాడిన ఆయన.. స్విమ్స్​లో పేదవారికి ఉచితంగా వైద్యం అందించాలని టీటీడీ కోరారు. అలాగే స్విమ్స్​కు డైరెక్టర్​గా ఐఏఎస్ అధికారిని​ కాకుండా ఓ డాక్టర్​ను నియమించాలని చింతా మోహన్ వైయస్సార్​ కాంగ్రెస్​ ప్రభుత్వానికి విజ్ఞప్తి చేశారు. స్విమ్స్​లో రూల్​ ఆఫ్​ రిజర్వేషన్​ ప్రక్రియను​ అమలు చేయాలని కోరారు. టీటీడీ ఆస్తుల విషయంలో తమకు సందేహాలు ఉన్నాయని ఆయన తెలిపారు. టీటీడీ తమ ఆస్తుల వివరాలను తెలియజేస్తూ శ్వేతపత్రం విడుదల చేయాలని చింతా మోహన్​ కోరారు. అలాగే తిరుపతిలో ఉన్న జూపార్క్​ను అక్కడి నుంచి వేరే చోటుకు తరలించి.. ఆ ప్రదేశంలో స్విమ్స్​, టీటీడీ శాశ్వత ఉద్యోగులకు ఇళ్ల స్ధలాలను కేటాయించాలన్నారు.