సీఎం సభలో సరదా సన్నివేశం, వైఎస్సార్​పై పాట పాడిన బూచేపల్లి సుబ్బారెడ్డి భార్య

FUNNY INCIDENT ప్రకాశం జిల్లా చీమకుర్తిలో ముఖ్యమంత్రి జగన్‌ పాల్గొన్న కార్యక్రమంలో సరదా సన్నివేశం చోటు చేసుకుంది. రాజశేఖర్‌రెడ్డి, బూచేపల్లి సుబ్బారెడ్డి విగ్రహావిష్కరణ తర్వాత నిర్వహించిన సభలో ముఖ్యమంత్రితోపాటు ప్రజాప్రతినిధులు, వైకాపా నాయకులు పాల్గొన్నారు. ఈ సందర్భంగా వైఎస్సార్​పై బూచేపల్లి సుబ్బారెడ్డి భార్య వెంకాయమ్మ ఓ పాట పాడారు. కొద్దిసేపు పాడిన తర్వాత ఇక చాలని సీఎం జగన్‌ సూచించినా ఆమె పట్టించుకోలేదు. అదే ఒరవడితో పాట కొనసాగించారు. వెంటనే తన స్థానం నుంచి జగన్​ లేచి వచ్చి వెంకాయమ్మను పట్టుకుని అక్కడినుంచి తీసుకెళ్లారు. తన పక్కనే కుర్చీలో కూర్చోబెట్టారు. ఈ పరిణామంతో సభలో నవ్వులు విరిశాయి.