20 అడుగుల లోతులో పడ్డ ఏనుగులను రక్షించిన అటవీ సిబ్బంది

ఛత్తీస్‌గఢ్ ధామ్‌తరి జిల్లాలో మూడు ఏనుగులు 20 అడుగుల లోతున్న గుంతలో పడిపోయాయి. వ్యవసాయ భూమికి ఆనుకుని ఉన్న గుంత పక్కనుంచి వెళ్తున్న 32 ఏనుగుల్లో మూడు ఏనుగులు అదుపు తప్పి గుంతలో పడ్డాయి. ఈ విషయం తెలుసుకున్న అటవీ శాఖ అధికారులు గురువారం రాత్రి ఘటనా స్థలానికి చేరుకున్నారు. గుంత నుంచి రెండు ఏనుగులను రక్షించారు. మరో ఏనుగును కాపాడటానికి సహాయక చర్యలు చేపట్టారు. అయితే ఆ ఏనుగుల గుంపు ఆ గొయ్యి చుట్టూ తిరుగుతుండటం వల్ల సహాయక చర్యలకు ఆటంకం కలుగుతోందని డీఎఫ్‌వో మయాంక్ పాండే తెలిపారు.