'నా కోడిని చంపేశారు... న్యాయం చేయండి'

హిమాచల్​ప్రదేశ్‌లోని ఉనాలో ఓ వ్యక్తి వింత ప్రవర్తన వైరల్​ గా మారింది. తన కోడిని ఇంటి పక్కన ఉన్న వారు చంపేశారని.. తనకు న్యాయం చేయాలని ఏకంగా కలెక్టర్ ఆఫీస్​కు వచ్చాడు. పొరిగింటి వారు కావాలనే విషం పెట్టి చంపేసినట్లు విలపించాడు. తనకు న్యాయం చేయాలని బోరున విలపిస్తూ వేడుకున్నాడు. చనిపోయిన కోడితో వచ్చిన ఆ వ్యక్తిని చూసేందుకు జనం గుమిగూడారు. దీనిపై సమాచారం అందుకున్న పోలీసులు సంఘటనా స్థలానికి చేరుకుని ఫిర్యాదుదారుడ్ని వెంట తీసుకెళ్లారు. ఆ సమయంలో ఆ వ్యక్తి మద్యం మత్తులో ఉన్నట్లు పోలీసులు తెలిపారు. అతడ్ని బిహార్​కు చెంది రాజేశ్​ రాయ్​గా గుర్తించారు.