నెలసరి క్రమం తప్పుతోందా.. కారణమిదే కావచ్చు?

మహిళలను నెల నెలా రుతుక్రమం పలకరిస్తూనే ఉంటుంది. సాధారణంగా 28 రోజులకు ఒకసారి నెలసరి వస్తుంటుంది. కానీ కొందరికి 24 రోజులకే రావొచ్చు, కొందరికి 35 రోజులకు రావొచ్చు. అందుకు గల కారణలేంటో చూద్దాం.

కొందరిలో నెలా నెలా ఠంచనుగా వచ్చే రుతుచక్రం ఒక్కోసారి ముందుగానే వచ్చేయడమో లేదా మరీ ఆలస్యంగా రావడమో జరుగుతుంది. ఇలా అవడానికి కారణాలేంటంటే?

గర్భం.. ధరించిన మహిళల్లో నెలసరి ఆగిపోవడం మొదటి సంకేతం.

మాత్రలు: గర్భనిరోధక మాత్రలు వాడినప్పుడు కూడా అప్పుడప్పుడూ నెలసరి అదుపు తప్పుతుంది.

పాలిచ్చే తల్లులు: బిడ్డకు పాలిచ్చే తల్లుల్లో కూడా నెలసరి చాలా రోజుల పాటు ఆగిపోతుంది. బిడ్డ ఎప్పుడైతే పాలు తాగడం ఆపేస్తాడో అప్పుడే నెలసరి మొదలవుతుంది.

అనారోగ్యాలు: థైరాయిడ్‌ సమస్య ఉన్న వారిలో కూడా ఇది ఆలస్యంగా లేదా తొందరగా రావడం జరుగుతుంది. పాలీసిస్టిక్‌ ఓవరీ సిండ్రోమ్‌ (పీసీఓఎస్‌), మూత్రాశయంలో రాళ్లు, బుడగల్లాంటివి ఉండటం, ఎండోమెట్రియాసిస్‌ లాంటి అనారోగ్యాల వల్ల క్రమం తప్పుతుంది.