'పెద్దకొమెర్లలో జింకను అపహరించిన దుండగులు'

వన్యప్రాణులకు రోజురోజుకి రక్షణ లేకుండాపొతోంది. మైలవరం మండలంలోని పెద్దకొమెర్లలో ఇటీవల జరిగిన ఓ సంఘటనే ఇందుకు ఉదాహరణ.

కడప జిల్లా జమ్మలమడుగు నియోజకవర్గం పెద్దకొమెర్లలో దుండగులు జింకను అపహరించారు. తన పొలం సమీపంలోని బురదగుంటలో చిక్కుకున్న జింకను.. అప్పగించేందుకు ఓ రైతు అటవీశాఖ అధికారులకు సమాచారం అందించాడు. 2 రోజులైనా అధికారులు రాకపోగా జింకను తన పొలంలోని రేకుల షెడ్డులో ఉంచాడు. విషయం తెలుసుకున్న కొంతమంది దుండగులు షెడ్డు తాళాలు పగులగొట్టి జింకను అపహరించారు. అధికారులను వివరణ కోరగా.. రోడ్డు దాటుతూ వాహనం ఢీకొని జింక గాయాలపాలై చనిపోయినట్లు చెబుతున్నారు. అనంతరం జింకను ఖననం చేసినట్లు చెప్పారు. అందుకు సంబంధించిన ఫోటోలు అడగగా అధికారుల నోటి వెంట మాటలు రావడం లేదు.

ఇదీ చూడండి: మంచినీటి కోసం జనావాసాల్లోకి వన్యప్రాణులు