కడప జిల్లా సుండుపల్లెలోని వ్యవసాయ కార్యాలయ సమీపంలో అక్రమంగా తరలిస్తోన్న ఉలవల బస్తాలను స్థానికులు పట్టుకున్నారు. రాయచోటికి చెందిన కొందరు వ్యాపారులు ఆటోలో వేసుకుని అక్రమంగా తరలిస్తుండగా అడ్డుకున్నారు. ఎక్కడ నుంచి తీసుకువస్తున్నారని... రైతులకు ఇవ్వాల్సిన ఉలవలు కిలోల కొద్దీ బయటికి వెళ్లడం ఎలా సాధ్యం అంటూ తరలిస్తున్న వారిని ప్రశ్నించారు. అనుమానాస్పద సమాధానం రావటం... సంచులపై ప్రభుత్వం ముద్రించిన సమాచారం ఉంది. ప్రభుత్వ అందించే... ఉలవలు బ్లాక్ మార్కెట్ తరలి పోతున్నాయని అనుమానించిన స్థానికులు పోలీసులకు సమాచారం అందించారు. వెంటనే సుండుపల్లె పోలీసులు రంగంలోకి దిగి 15 బస్తాలను స్వాధీనం చేసుకొని తరలిస్తున్న వారిలో ఒక వ్యక్తిని అదుపులోకి తీసుకున్నారు.
కడప జిల్లాలో పక్కదారి పట్టిన ఉలవలు!
ఇవీ చూడండి-డీజిల్ పోయించుకున్నారు... డబ్బులడిగితే దాడి చేశారు
