'నవాబుపేట గ్రామాన్ని శానిటైజ్ చేయండి'

కడప జిల్లా మైలవరం మండలంలోని నవాబుపేట గ్రామాన్ని శానిటైజ్ చేయాలని జాయింట్ కలెక్టర్ సాయి కాంత్ వర్మ ఆదేశాలు జారీచేశారు. గ్రామంలో కరోనా కేసులు పెరగటంతో ఈ నిర్ణయం తీసుకున్నట్లు ఆయన తెలిపారు.

కడప జిల్లా మైలవరం మండలంలోని నవాబుపేట గ్రామం మొత్తాన్ని శానిటైజ్ చేయాలని జాయింట్ కలెక్టర్ సిఎం. సాయి కాంత్ వర్మ సంబంధిత అధికారులను ఆదేశించారు. నవాబుపేట గ్రామంలో 25 కరోనా పాజిటివ్ కేసులు నమోదు కావటంతోపాటు ఒకరు మృతి చెందటం పట్ల జిల్లా కలెక్టర్ సి.హరికిరణ్ ఆదేశాల మేరకు నవాబుపేట గ్రామాన్ని జేసీ ఆకస్మికంగా తనిఖీ చేశారు.

గ్రామంలో ఉన్న ఆశా కార్యకర్తల ద్వారా ఇంటింటి సర్వే నిర్వహించి దగ్గు, జలుబు, గొంతునొప్పి, జ్వరం, డయేరియా తదితర ఐదు లక్షణాలలో ఏవి ఉన్న వెంటనే వారికి పరీక్షలు చేయాలని ఆదేశించారు.

కొవిడ్-19 మార్గదర్శకాలను పక్కాగా అమలు చేయాలని జాయింట్ కలెక్టర్ సూచించారు. నవాబుపేట గ్రామంలో, దాల్మియా సిమెంట్ ఫ్యాక్టరీలో కరోనా వైరస్ నియంత్రణకు తీసుకోవలసిన చర్యలపై ఆర్డీఓ, డీఎస్.పి, డీపీఓ, , దాల్మియా సిమెంట్స్ యూనిట్ హెడ్ లకు పలు సూచనలు జారీ చేశారు

ఇదీ చూడండి