మనస్తాపంతో రైలు కిందపడి రైతు ఆత్మహత్య

ప్రభుత్వం ఎన్ని పథకాలు తీసుకొచ్చినా రైతులకు అండగా నిలువలేకపోతున్నాయి. మొన్నటికిమొన్న సొంత పొలంలోనే ఓ రైతు ఉరివేసుకుని చనిపోతే... ఈరోజు రైలు కిందపడి మరో రైతు ఆత్మహత్య చేసుకున్నాడు. ఈ ఘటన కడప జిల్లా యర్రగుడిపాడులో జరిగింది.

కడప జిల్లా కమలాపురం మండలం ఎర్రగుడిపాడు-ఎర్రగుంట్ల మధ్య రైలు కిందపడి రైతు ఆత్మహత్య చేసుకున్నాడు. గోపవరం గ్రామం ప్రొద్దుటూరుకు చెందిన కోట జనార్దన్ రెడ్డిగా పోలీసులు గుర్తించారు. ఇతనికి రెండు ఎకరాల పొలం ఉండగా.. రూ. 20 లక్షల అప్పు ఉంది. ఈ మధ్యనే బోన్ క్యాన్సర్ ఉందని తెలియటంతో మనస్తాపానికి గురైన జనార్థన్​రెడ్డి ఇంటర్​సిటీ రైలు కింద పడి ఆత్మహత్య చేసుకున్నాడు. మృతునికి భార్య, ఇద్దరు కుమార్తెలు ఉన్నారు.

ఇదీ చూడండి