నగరాలకే పరిమితమైన కరోనా...పల్లెలను వణికిస్తోంది. గడిచిన వారం రోజుల్లో జిల్లాలోని పలు గ్రామాల్లో కొవిడ్ కేసులు వెలుగుచూస్తున్నాయి. కడప జిల్లాలోని నవాబ్పేటలో సుమారు 60 మందికి పైగా కరోనా బారిన పడ్డారు. తాజాగా రాయచోటి నియోజకవర్గంలోని చిన్నమండెం, సంబేపల్లి గ్రామాలు, రాజంపేట నియోజకవర్గంలోని వీరబల్లి నందలూరు, పులివెందుల నియోజకవర్గంలోని పలు పల్లెల్లో కొవిడ్ కేసులు నిర్ధరణ అయ్యాయి. కేసులు పెరుగుతుండటంపై గ్రామస్థులు ఆందోళన వ్యక్తం చేస్తున్నారు. అప్రమత్తమైన జిల్లా అధికారులు... వ్యక్తిగత పరిశుభ్రత, కొవిడ్ నివారణ చర్యలపై అవగాహన కల్పిస్తున్నారు. మాస్కులు ధరించటం, భౌతిక దూరం పాటించేలా సూచనలు చేస్తున్నారు.
ఇదీ చదవండి: కరోనాకు పతంజలి ఆయుర్వేద మందు
