సీఎం కడప పర్యటన ఏర్పాట్లపై అధికారుల సమీక్ష

ఈనెల 7,8 తేదీల్లో కడప జిల్లాలో సీఎం జగన్ పర్యటించనున్నారు. ప్రాథమిక సమాచారం ప్రకారం పర్యటనకు సంబంధించి అధికారులు విస్తృత ఏర్పాట్లు చేస్తున్నారు.

ఈ నెల 7, 8 తేదీల్లో ముఖ్యమంత్రి జగన్ కడప జిల్లాలో పర్యటించనున్నారు. ఈ మేరకు జిల్లా అధికార యంత్రాంగం ఏర్పాట్లను పటిష్టం చేస్తోంది. ఉదయం జిల్లా ఎస్పీ అన్బురాజన్​తో కలెక్టర్​ సి. హరికిరణ్ సీఎం పర్యటన, ముందస్తు ఏర్పాట్లుపై అధికారులతో సమీక్షించారు. ముఖ్యమంత్రి పర్యటన అధికారికంగా ఖరారు కాకపోయినప్పటికీ... ప్రాథమిక సమాచారం ప్రకారం ఈనెల 7న కడప ఎయిర్​పోర్టుకు వస్తారని... అక్కడి నుంచి ప్రత్యేక హెలికాప్టర్​లో ఇడుపులపాయకు చేరుకుని రాత్రి బస చేస్తారని సమాచారం ఉన్నట్లు అధికారులు తెలిపారు. కొవిడ్ -19 పరిస్థితుల దృష్ట్యా ముఖ్యమంత్రి పర్యటనకు సంబంధించి అన్ని జాగ్రత్తలతో కట్టుదిట్టమైన భద్రతా ఏర్పాట్లు చేస్తున్నట్లు పేర్కొన్నారు.

ఇదీ చదవండి: ఏ దరికి చేరునో.. రఘురామరాజకీయం..!