Pit Formed in termeric field: వైయస్ఆర్ జిల్లా చింతకొమ్మదిన్నె మండల పరిధిలో ఓ రైతు పొలంలో భారీ గొయ్యి ఏర్పడింది. బయనపల్లి గ్రామానికి చెందిన విష్ణువర్ధన్రెడ్డి అనే రైతు తన భూమిలో పసుపు పంటను సాగు చేస్తున్నాడు. ఈ రోజు ఉన్నట్టుండి పసుపు పంట సాగు చేస్తున్న ప్రదేశంలో భూమి కుంగిపోయింది. దీంతో 30 అడుగుల వెడల్పు.. 35 అడుగుల లోతు గొయ్యి ఏర్పడింది. విషయం తెలుసుకున్న రైతు హుటాహుటిన అక్కడకు చేరుకున్నాడు. గుంతలో చూడగా నీళ్లు ఉన్నాయి. ఇలా ఏర్పడటం వల్ల పంటలు, భూమి నష్టపొతున్నామని రైతు అవేదన వ్యక్తం చేశాడు.
గత కొన్నేళ్ల నుంచి చింతకొమ్మదిన్నె మండల పరిధిలో పొలాలలో భూమి కుంగిపోవడం పరిపాటిగా మారింది. దీంతో రైతులు ఆందోళన చెందుతున్నారు. ఎప్పుడు ఏ భూమి కుంగిపోతుందో తెలియక రైతులు ఆందోళనకు గురవుతున్నారు. రైతులు పోలాల్లోకి పనులకు వెళ్లాలంటే భయపడుతున్నారు. అధికారులు స్పందించి శాశ్వత పరిష్కార చర్యలు చేపట్టాలని రైతులు కోరుతున్నారు. ఇలా భూమి కుంగిపోవడం వల్ల తమకు నష్టం వాటిల్లుతుందని.. పంట పొలాలు సాగు చేయలేకపోతున్నామని రైతులు వాపోతున్నారు.
ఇవీ చదవండి:
