పశ్చిమ గోదావరి జిల్లా దెందులూరు మండలం సత్యనారాయణపురం వద్ద ప్రమాదం జరిగింది. 16వ నెంబర్ జాతీయ రహదారిపై దెందులూరు మండలం సత్యనారాయణపురం వద్ద లారీని ట్రాలీ ఢీకొంది. ఈ ప్రమాదంలో ట్రాలీ డ్రైవర్ అక్కడికక్కడే మృతి చెందాడు.
ఐస్ లోడ్ తో నారాయణపురం నుంచి పోతునూరు వైపు వెళ్తున్న లారీ.. గుండుగొలను వైపు నుంచి వస్తున్న ట్రాలీ లారీ ఢీకొన్నాయి. ఉండ్రాజవరం వంతెన మలుపు వద్ద ఈ ప్రమాదం జరిగింది. వేగంగా ఢీకొనడంతో.. ట్రాలీ ముందు భాగం పూర్తిగా ధ్వంసం అయింది. ట్రాలీ డ్రైవర్ క్యాబిన్లో ఇరుక్కుపోయి.. అక్కడికక్కడే మృతిచెందాడు.
సమాచారం అందుకున్న పోలీసులు ఘటనా స్థలాన్ని పరిశీలించారు. క్యాబిన్ లో ఇరుక్కుపోయిన డ్రైైవర్ ని బయటికి తీయడానికి ప్రయత్నించినా.. కుదరలేదు. అక్కడికి చేరుకున్న 108 సిబ్బంది అతన్ని పరిశీలించి.. మృతి చెందినట్లు నిర్థరించారు. రహదారికి అడ్డంగా రెండు లారీలు నిలిచిపోవడంతో ట్రాఫిక్ కు అంతరాయం ఏర్పడింది.
ఇదీ చదవండి : అనుమానాస్పద స్థితిలో తాత, మనవడు మృతి.. అసలేం జరిగింది?
